Ortalyq kommunikasiialar qyzmetınde ötken brifingte Bılım jäne ǧylym ministrı Aslan Särınjıpov bılım beru qyzmetkerlerınıŋ Tamyz keŋesınıŋ qorytyndylaryna toqtalyp, jaŋa oqu jylyna daiyndyq barysynan habar berdı.
Biyl Tamyz keŋesınıŋ taqyryby «Bılım berudıŋ innovasiialyq strategiiasy – memlekettıŋ, qoǧamnyŋ jäne jeke tūlǧanyŋ damuynyŋ faktory» bolǧany belgılı. Öz sözın osydan bastaǧan ministr «Bılım berudegı tehnologiialyq innovasiia – oqu baǧdarlamasyna engızıletın jaŋalyqtardyŋ sanyna emes, sapasyna, mazmūnyna bailanysty. Eldıŋ intellektualdyq bolaşaǧy tek qana bılımde. Sondyqtan, qarqyndy damyp jatqan qoǧamda tälım alyp jatqan oquşy keleşekte alǧan bılımın qoldana bıluı qajet. Bılım – qoǧam talabyna, jūmys beruşı talabyna sai boluy kerek» dep atap öttı.
Odan keiın bırneşe jyldan berı özektı bolyp kele jatqan balalardy balabaqşamen qamtu mäselesıne oiysty. Aslan Bäkenūlynyŋ aituynşa, būrynǧymen salystyrǧanda qazırde atalǧan taraptaǧy jaǧdai jaqsy jaǧyna özgergen. Balalardy mektepke deiıngı bılımmen qamtu boiynşa Qazaqstan Avstraliia, Kanada, Finliandiia, Polşa, Şveisariia jäne Türkiia syndy memlekettermen bır satyǧa ornalasyp, 3-6 jas balalardyŋ 73 paiyzy balabaqşaǧa barady.
Mümkındıgı şekteulı balalar da nazardan tys qalmai keledı. Olardyŋ 35 myŋyna, iaǧni 25 paiyzyna oquǧa jaǧdai jasalǧan. Mügedek balalardyŋ 3,7 myŋy on ekı müşesı sau qūrdastarymen bırge oqidy, iaǧni inkliuzivtı bılım alyp jatsa, 10,1 myŋy üiden oqidy.
Dualdı oqytu jüiesı jaily ministr mūndai jüie elımızdıŋ 176 kolledjıne engızılıp jatqanyn jetkızdı. Onyŋ mälımdeuınşe, qosarly jüiemen oqytatyn kolledjderdıŋ üles salmaǧyn 2016 jylǧa taman 20-dan 50 %-ǧa deiın ūlǧaitu josparlanyp otyr.
Ministr studentter men olardyŋ ata-analary üşın jaǧymdy jaŋalyqtan da habardar qyldy. Joǧary oqu oryndary jyl saiyn oqu aqysyn köterıp jatady. Aslan Särınjıpovtıŋ sözıne sensek, biyl oqu aqysy qymbattamaidy.
Amanǧali QALJANOV
