Biyl Nūr-Sūltan qalasy Säulet, qala qūrylysy jäne jer qatynastary bsqarmasy 80 myŋnan asa memlekettık qyzmet körsettı.
«Biylǧy tek 10 aidyŋ ışınde qūjat ainalymy 90 myŋǧa juyq qūjatty qamtydy. Myŋǧa juyq ötınış WhatsApp messendjerı arqyly keldı. Äsırese osy qyzmet karantin kezınde sūranysqa ie boldy. Karantin kezınde tūrǧyndardyŋ köbı jauapty WhatsApp arqyly alsa, azamattardy qabyldau ZOOM platformasynyŋ kömegımen jüzege asty. Basqarma basşysy men orynbasarlarynyŋ jeke qabyldauynda 500 adamdai boldy. Bölım basşylary är särsenbıde azamattardy saǧat 18.00-den bastap qabyldaidy» dedı vedomstvonyŋ baspasöz hatşysy. Būdan bölek, jyl qorytyndysy boiynşa basqarma 17 memlekettık qyzmettıŋ 16-syn körsetken.
«Osy bızdıŋ qaǧaz türındegı kelısımnen memlekettık qyzmettı onlain körsetuge köşuımızdıŋ maŋyzy zor. Būl bır jaǧynan äkımşılık kedergılerdı qysqartsa, sybailas jemqorlyq täuekelın azaitady jäne qandai da bır bailanys bolmai, qyzmet aluşynyŋ uaqytyn ünemdeidı» delıngen habarlamada.
