Keşe Memleket basşysy Nūrsūltan Nazarbaev Şymkent qalasynyŋ maŋynda äskeri-kölık ūşaǧynyŋ apatqa ūşyrauyna bailanysty memlekettık jäne qūqyq qorǧau organdarynyŋ basşylarymen keŋes ötkızdı.
Keŋeske Premer-Ministr S.Ahmetov, Prezidenttıŋ kömekşısı-Qauıpsızdık keŋesınıŋ hatşysy M.Täjin, Bas prokuror A.Dauylbaev, Qorǧanys ministrı Ä.Jaqsybekov, Işkı ıster ministrı Q.Qasymov, Ūlttyq qauıpsızdık komitetı töraǧasynyŋ bırınşı orynbasary V.Jūmaqanov qatysty.
Memleket basşysy 25 jeltoqsanda 18 saǧat 55 minutta Şymkent qalasynyŋ aumaǧynda bortynda şekaraşylar bolǧan äskeri-kölık ūşaǧy apatqa ūşyraǧanyn aityp öttı.
– Ekipajdyŋ jetı müşesı, jiyrma ofiser qaitys boldy. Arnaiy vedomstvoaralyq komissiia qūryldy. Bas prokuratura qylmystyq ıs qozǧady, tergeu jürgızılude. Menıŋ nūsqauym boiynşa, barlyq ūiymdastyru mäselelerın anyqtau üşın apat ornyna ŪQK töraǧasy ūşyp bardy. Būl – ülken qaiǧy, men qaitys bolǧandardyŋ barlyq jaqyndary men tuǧan-tuystaryna qaiǧyryp köŋıl aitamyn, – dedı Nūrsūltan Nazarbaev.
Qazaqstan Prezidentı äue apatynyŋ barlyq jai-japsary jan-jaqty zertteletının atap öttı.
– Qyzmettık tekserıs jürgızu üşın arnaiy top qūryldy. «Qara» jäşıktı aşqannan keiın bız qaiǧyly oqiǧanyŋ män-jaiyn tolyq bıletın bolamyz. Aldyn ala mälımetter boiynşa, eşqandai jat niettı syrtqy äserler bolmaǧan dep aituymyzǧa bolady. Būl türlı jaǧdailardyŋ saldary dep esepteimın. Sol künı Şymkent maŋynda aua-raiy öte qūbylmaly boldy, soǧan qaramastan ekipaj ūşaqty qondyruǧa tyrysqan. Qaladan 40 şaqyrym maŋda ūşaq radardan joǧalyp ketken. Ūşqyş täjıribelı edı, ūşaq jaramdy jaǧdaida bolǧan, josparly jöndeuden ötkızılgen. Degenmen oqiǧanyŋ barlyq män-jaiy apatqa ūşyrau sebepterı bız jürgızıp otyrǧan tolyq tekserısten keiın naqty belgılı bolady, – dedı Memleket basşysy.
Nūrsūltan Nazarbaev mūndai oqiǧalardyŋ qaitalanuyna jol bermes üşın şaralar qabyldau qajettıgıne toqtaldy.
– Adamdar qyzmettık mındetterın oryndau kezınde qaza tapty. Būl – ülken qaiǧy. Būl – bärımız üşın auyr synaq. Būl – bükıl halqymyz üşın azaly kezeŋ. Sondyqtan men 27 jeltoqsandy jalpyūlttyq aza tūtu künı dep jariialadym. Oqiǧanyŋ anyq-qanyǧy bolǧan jaiǧa jan-jaqty taldau jasalǧannan keiın jariia etıledı. Ökınışke qarai, älemde mūndai oqiǧalar bolyp tūrady. Bıraq būl bızdı sonda da jūbatpauǧa tiıs. Bız elımızde mūndai jaǧdailar bolmas üşın barlyq qajettı şaralardy qabyldauǧa tiıspız, – dedı Qazaqstan Prezidentı.
Sondai-aq keŋes barysynda Memleket basşysy Ükımetke, tiıstı vedomstvolarǧa qaitys bolǧandardyŋ otbasylaryna barlyq qajettı kömek körsetudı tapsyrdy.
ŪQK töraǧasynyŋ bırınşı orynbasary V.Jūmaqanov vedomstvo basşysy oqiǧa ornynda jürgenın jäne qajettı ūiymdastyruşylyq ıs-şaralardy ötkızıp jatqanyn mälımdedı.
– ŪQK töraǧasy qaitys bolǧandardyŋ tuystarymen kezdestı, «Oŋtüstık» öŋırlık basqarmada keŋes ötkızdı. Qaitys bolǧan adamdardyŋ ornyna mındettı uaqytşa atqaruşy adamdar taǧaiyndaldy. Qazırgı uaqytta qandai da bır qaskünemdık äreket bolǧanyn aiǧaqtaityndai belgıler joq. Jalpy, şekara qyzmetı josparly rejımde jūmys ısteude. Memlekettık şekara tiısınşe qorǧaluda, – dedı V.Jūmaqanov.
Būdan bölek, ol ŪQK-da qaitys bolǧandardyŋ otbasylarymen jūmys jürgızu jäne şekara qyzmetınıŋ qaitys bolǧan ofiserlerın jerleudı ūiymdastyru üşın komissiia qūrylǧany turaly habardar ettı.
Qorǧanys ministrı Ä.Jaqsybekov aviasiialyq oqiǧaǧa tekseru jürgızu erejelerıne säikes, ūşaqtyŋ apatqa ūşyrau sebepterın tekserumen ainalysatyn arnaiy komissiia taǧaiyndalǧanyn aityp öttı.
– Aldyn ala tekserıs äuejai audanynda auanyŋ ylǧaldylyǧy 97 paiyz, tūmandy, temperaturasy – 1 gradus bolǧanyn körsettı, sondyqtan mūz qatyp qaluy da mümkın. Sondai-aq ūşaqtyŋ qalypty qonuyna kedergı keltırgen aua-raiynyŋ qolaisyz jaǧdaiyn körsetetın bırqatar özge de faktıler bar, – dedı Ä.Jaqsybekov.
Bas prokuror A.Dauylbaev qūrylǧan jedel tergeu tobyna prokuraturanyŋ, ūlttyq qauıpsızdık organdarynyŋ jäne IIM äskeri-tergeu bölımşelerınıŋ taŋdauly tergeuşılerı engenın mälımdedı.
– Bız äskeri-kölık ūşaǧynyŋ ūşu orny men ornalasu ornyn qosa alǧanda, osy tehnikaǧa jürgızılgen jöndeu jūmystaryna bailanysty barlyq qūjattaryn aldyq. «Qara» jäşık tabyldy, tiıstı saraptama jürgızılude, oqiǧa bolǧan oryn tekserılude. Bız äskeri-kölık ūşaǧynyŋ apatqa ūşyrauyna äkelıp soqqan naqty sebepterdı anyqtaimyz, – dedı A.Dauylbaev.
Gülmira Aimaǧanbet
