Keşe III Respublikalyq «Qaiyrymdylyq keruenı» baiqauyna qatysqan elordalyqtar marapattaldy. Baiqauǧa qaiyrymdy ıstermen tūraqty türde ainalysyp, qoǧamǧa kömegı tigen azamattardy Nūr-Sūltan qalasy Işkı saiasat basqarmasynyŋ basşysy Däuren Babamūratov qūttyqtap, syilyqtar tabys ettı.
Nūr-Sūltan qalasy Almaty audanynyŋ äkımı Erlan Bekmūrzaevtyŋ aituynşa, respublikalyq saiysqa jalpy sany 670 ötınım qabyldansa, onyŋ 100-ge juyǧy elorda tūrǧyndarynan bolǧan.
– Qatysuşylardyŋ arasynda ülken qūrylys kompaniiasynyŋ basşylary, därıgerler, ört söndıruşıler boldy. Qaiyrymdylyq şaralarymen kündelıktı ainalysatyn jandardan qoǧamǧa keler paida zor. Sol sebeptı olardy marapattau räsımı joǧary deŋgeide öttı, – dedı Qazaqstan ısker äielder qauymdastyǧynyŋ müşesı Nazgül Maǧjan.
Baiqau qatysuşylarynyŋ bırı, elordadaǧy №3 köpbeiındı infeksiialyq auruhananyŋ pulmonologiia bölımı meŋgeruşısı, därıger Saparkül Berdeşova koronavirus ındetı endı bastalǧan şaqta künı-tünı auruhanada qalyp, jappai tüsıp jatqan nauqastardy emdegen. «Koronavirus bastalysymen, bızdı provizorlyq ortalyqqa auystyrdy. Maidan dalasyna myltyqsyz top ete qalǧandai boldyq. Künıne 200-dei adam tüsken kezder boldy. Tösek-oryn jetıspeidı. Ekı apta boiy üige barmai, auruhanada qalǧan tünderı ūiyqtaityn oryn joq bolǧan soŋ, türegep otyryp köz ıletınbız. Adam şyǧyny bolmasa eken, nauqastar jazylyp şyqsa eken dep tıledık. Bıraq köp adamnan aiyryldyq. İnfeksiianyŋ ortasynda jürgen soŋ, özım de auyryp qaldym. Joldasymnyŋ ökpesı – 70%, özımdıkı 45% zaqymdanyp, äiteuır, jazylyp şyqtyq» deidı ol.
Sol siiaqty medisina salasy boiynşa halyqqa ūşan-teŋız paidasy tigen Anna Sepke men Tatiana Sechoeva marapattaldy. Sondai-aq qatysuşylardyŋ ışınde tötenşe jaǧdai kezınde tegın psihologiialyq keŋes berumen ainalysqan astanalyqtar da bar. Mäselen, Dinara Jaqypbekova men Aidana Beisembenova Bek Air äuekompaniiasynyŋ ūşaǧy apatqa ūşyraǧanda, tötenşe jaǧdaiǧa ūşyraǧandar men olardyŋ jaqyndaryna psihologiialyq kömek körsetken.
Aidarhan Kemaladinov ört laulap jatqan päterden jüktı äiel men tört balany qūtqaryp qalsa, Nädır Omarǧaziev kışkentai balany qūdyqtan şyǧaryp alǧan. Al Sergei jäne Anna Liahovtar basseinge batyp ketken balany alyp şyǧyp, alǧaşqy kömek körsetıp, ölım auzynan araşalap qalǧan.
Bügıngı taŋda «Qaiyrymdylyq keruenı» IV respublikalyq baiqauyna qatysuǧa ötınım qabyldana bastady.
