QAR TAZALAU QARQYNDY
Astanada aua raiynyŋ özgeruıne bailanysty qalanyŋ kommunaldyq qyzmetterı küşeitılgen tärtıpte jūmys ıstep jatyr.
Bügınde bas qalanyŋ kün raiy myŋ qūbylyp tūr. Apta basynda kün kürt jylyp, joldar men sai-salanyŋ bärı suǧa tolyp ketken edı. Onyŋ artynşa erıgen qar suynan jolda qatqaq paida boldy. Beisenbıden bastap japalaqtap qar jauyp, qala appaq körpege orandy. Ärine, qardyŋ jauǧanyna jūrtşylyq quanǧanymen, elordalyq kommunaldyq qyzmetınıŋ jūmysy qyza tüstı.
Mol jauǧan qardy qaladan äp-sätte tazartyp şyǧaru oŋai emes. Sondyqtan Astanada qar jinau jūmystary beisenbıden bastap taŋǧy segızden jürgızılude. Bügınde barlyq audandardyŋ aumaǧynda 211 arnaiy tehnika jūmys ıstep, ony tazartu jūmystaryna 335 adam tartylyp otyr.
«Astana Tazalyq» JŞS mälımetterı boiynşa, 12 qazannan 9 qaraşaǧa deiıngı aralyqta qalanyŋ barlyq audandarynda köktaiǧaqqa qarsy reagent qoldanylyp, 1852,5 tekşe metr qūm-tūz qospasy, 389,90 tonna «Aismelt» reagentı sebılıp, 7229 tekşe metr qar şyǧarylǧan.
Sinoptikterdıŋ boljamynşa, aldaǧy künder de būltty bolyp, oqtyn-oqtyn qar jauady, joldarda köktaiǧaq bolady dep kütılude.
Azamat ESENJOL