Keşeden berı tolassyz jauǧan qalyŋ qar Astanany aq ūlpaǧa orady. Qalanyŋ kommunaldyq qyzmetı qar tazalau jūmystaryna qyzu kırısıp kettı. Köşeler men aulalarǧa 2,5 myŋǧa juyq jūmysşylar şyǧyp, myŋnan asa arnaiy tehnikalar jūmyldyryldy.
Kırşıksız taza, jyp-jyly, jūmsaq japalaqtar bırın-bırı qua jarysyp, betıŋdı aimalaidy. Eptep qytyqtaidy ma, qaitedı? Äiteuır, adamǧa airyqşa äserlı sezım syilaidy. Sodan bolar, qar jausa ülken de, kışı de jas balaşa şattanyp, quanady. Öitkenı qystyŋ bır qyzyǧy qar ekenı ras qoi.
Tazalyqqa jauapty mamandar kün-tün demei damylsyz qar şyǧarumen ainalysyp, köktaiǧaqtyŋ aldyn alu maqsatynda qūmşaşqyştardyŋ küşımen joldarǧa qūm men tūz aralas materialdar seuıp älek.
sy jūmystardy atqaruǧa elordada soŋǧy täulıkte 2,5 myŋǧa juyq jol jūmysşylary men bır myŋnan astam arnaiy tehnika jūmyldyryldy. Olar bırınşı kezekte ortalyq köşeler, jaiau jürgınşıler joly men aialdamalardyŋ maŋyn tazalauda.
Elordadaǧy kommunaldyq qyzmetterdıŋ küşımen keşe 5 myŋ tekşe metrden astam qar jinalyp, poligondarǧa şyǧaryldy. Būl 500-ge juyq reistı qūrady.
Qys mezgılı bastalǧaly berı Astana aumaǧynan barlyǧy 200 myŋ tekşe metrge juyq qar şyǧaryldy, būl 15 myŋnan astam auyr jük kölıgıne teŋ.
Jalpy şaharda qar şyǧaru jūmystary der kezınde qolǧa alynyp, tazalyq oidaǧydai oryndalyp jatyr.
İä, halqymyz yrysqa balaityn, Jer-ananyŋ tamyryn toltyryp, ylǧalǧa ainalatyn osy aq ūlpa qyzyq ärı ädemı körıngenımen, maşaqaty da joq emes. Tolassyz jauǧan qar köşelerdı basyp, qala tūrǧyndary üşın qolaisyzdyq tudyrmauy kerek. Ūzyn-sonar keptelıster qalyptasyp, köktaiǧaqtyŋ kesırınen avtobustar jūmys kestesınen keşıkpeuı taǧy bar. Osy baǧytta qalalyq qyzmetter tynym tappaidy. Qysqasy, qalada qar tazalau qarbalasy bastalyp kettı.
