Qariialarǧa qaiyrymdylyq körsettı
Jeŋıstıŋ 71 jyldyǧyna orai Astanada «Erlık eşqaşan ūmytylmaidy» ūranymen aksiia öttı.
Taǧylymdy ıs-şarany Astana qalasy äkımdıgınıŋ qoldauymen Jastar saiasaty mäselelerı basqarmasy men «Ruhani qoǧam älemı» qoǧamdyq qory bırlesıp ūiymdastyrdy. Erıktı jastar Ūly Otan soǧysyna qatysqan 50 ardager men tyl eŋbekkerlerınıŋ üiın aralap, ata-äjelerge qandy şaiqasta jauǧa berılmei, baba jerın qorǧap qalǧan erlıkterı üşın zor alǧysyn bıldırdı. Mūnymen qosa är qariiaǧa üş qorap syi berıldı. Onyŋ ışınde üige qajettı azyq-tülık, jemıs-jidek, kökönıs, tättı-dämdıler, sondai-aq, tūrmystyq tauarlar bar. «Mūnyŋ bärı joq emes, şükır, bar ǧoi üiımızde. Bıraq sızder äkelgen däm bölek. Erteŋ äkemız dastarqan basynda şaidy rahattana ışıp, alma, kämpittı «maǧan osynyŋ bärın jastar äkelgen» dep quanyşpen eske alyp jeidı» deidı Janiiaz atanyŋ qyzy. Şalbol äuletınen şyqqan Janiiaz ata kostiumınıŋ tösı medalge tolǧan. 92 jastaǧy aqsaqal zor denelı, naǧyz batyr keipınen ainymaǧan, keudesın tık ūstap, är sözın nyq söileidı. «Menı qūrmettep, osyndai syilyq äkelgenderıŋe raqmet, ainalaiyndar! Aman jürıŋder! Syily bolyŋdar!» dep batasyn berıp, «Keleşegımız jastar Otanyn süie bılu kerek, eŋbekqor bolyp, bılım alyŋdar! Bızdıŋ qiyndyqpen saqtap qalǧan jerımızdı eşkımge bermei ie bolyŋdar!» dep ösiet aitty. On kün boiy elu qariianyŋ jaǧdaiyn bılgen jastar, ardagerlerge qyzyqtyrǧan sūraqtaryn qoiyp, atalardyŋ öz auzynan şerlı jyldar tarihyna qanyqty.
Mädina JAQYP