Astanada qaladaǧy 8 kölık käsıpornynyŋ 607 mamany bılıktılıgın arttyru kurstarynan öttı. Būl turaly Astana qalasy äkımı apparatynyŋ baspasöz qyzmetıne Kölık mamandarynyŋ bılıktılıgın arttyru ortalyǧynan mälımdedı.
Oqytylǧan 607 mamannyŋ 353-ı – avtobus jürgızuşılerı, 254-ı – konduktorlar. Mamandar negızgı oqu bölımın tämamdady, endı kurs tolyq aiaqtalǧan soŋ kelesı deŋgeidegı baǧdarlamany meŋgeretın bolady. Täjıribelık saǧattar arnaiy jabdyqtalǧan bölmelerde kompiuter kömegımen ötkızılgen. Tapsyrmaǧa test, esepter, jol qozǧalysy erejelerı jäne t.b. engızıldı.
Esterıŋızge sala keteiık, halyqaralyq standarttarǧa sai oqytatyn, jaŋa tehnologiialyq kabinettermen jabdyqtalǧan Astanadaǧy kölık mamandarynyŋ bılıktılıgın arttyru ortalyǧy biyl mamyr aiynda aşylǧan bolatyn. Mūnda avtobus jürgızuşılerımen qatar, konduktorlar, BRT mamandary, taksi jürgızuşılerı men transport salasynyŋ özge de mamandary oqi alady.
