Endı elordalyqtar üşın jūmys ızdeudıŋ älegı jeŋıldeidı. Künı keşe ıske qosylǧan «CZ Astana» mobildı qosymşasy arqyly qoldanuşylar qalanyŋ eŋbek naryǧyna qajettı bos oryndarmen tanysa alady.
Google Play men App Store internet-dükenderınen tegın jükteletın baǧdarlamanyŋ bırneşe qyzmetı bar. «Şaralar» bölımı Jūmyspen qamtu ortalyǧy ūiymdastyratyn järmeŋke, käsıbi kurs, şeberlık sabaqtary, psihologiialyq treningter, şaǧyn auksiondar jaily habarlandyrulardy qamtidy. Sondai-aq, azamattardyŋ mobildı qosymşadaǧy testıleuden ötıp, nätije boiynşa özınıŋ salalyq beiımdılıgın, qai mamandyqqa qabılettı ekenın anyqtauǧa mümkındıgı bar.
Qoldanuşynyŋ taŋdau erkındıgıne qarai baǧdarlama qazaq jäne orys tılınde daiyndalǧan.
Mobildı qosymşanyŋ avtory – Qazaq agrotehnikalyq universitetın programmist mamandyǧy boiynşa tämamdaǧan astanalyq jas Ömırserık Tūiaqbaev. Ol kezınde Jūmyspen qamtu ortalyǧynyŋ taldau bölımınde qyzmet etken.
– Ortalyq kömegıne künıne 300-den asa azamat jügınedı. Ökınışke qarai, köpşılıgı tüiındeme toltyryp, özınıŋ bılıktılıgın körsetu üşın dūrys sūhbattasu täsılın bılmei jatady. Baiqaǧan dünielerdı eskerıp, qosymşany bır aiǧa juyq uaqytta qūrastyrdym. Jūmys beruşı men jūmys ızdeuşıge paidaly bolady-au degen qyzmetterdı engızuge tyrystym, – deidı Ömırserık.
Iаǧni, qosymşada tüiındemenı qalai jazu kerek, äŋgımelesu kezındegı sūraqtarǧa qalai jauap beru kerek, jūmys beruşılerdıŋ zaŋ aldyndaǧy qūqyqtary men mındetterı sekıldı funksiialar qarastyrylǧan. Sonymen bırge, mūnda Jūmyspen qamtu ortalyǧynyŋ ornalasu mekenjaiyn anyqtauǧa mümkındık beretın geolokasiiasy bar karta engızılgen.
Qazırgı kezde mobildı qosymşada 20 şaqty vakansiia körsetılgen. Olardyŋ ışınde aǧylşyn tılınıŋ audarmaşysy, medbike, dietolog, därıgerler, sauda marketingı boiynşa jetekşı maman, injener elektronşy sekıldı bırqatar sūranysqa ie mamandyqtar bar. Al, Jūmyspen qamtu ortalyǧynyŋ bazasynda 3,5 myŋdai bos jūmys orny tırkelgen.
Astana qalasy äkımdıgıne qarasty Jūmyspen qamtu ortalyǧynyŋ direktory Oljas Omardyŋ aituynşa, vakansiialar jaily mälımet aptasyna ekı ret jaŋartylady. Aldaǧy uaqytta mobildı qosymşada jariialanatyn bos oryndar tızımı köbeiedı. Sondai-aq, qoldanuşynyŋ özıne kerek mamandyqty ızdeuge mümkındık beretın qyzmet te jasalatyn bolady.
Mädina QAIRATQYZY
