Ǧalymjan MOLDAŞ: Qolaily jaǧdai qarjyny tiımdı ūqsatudan
Astanalyqtardyŋ ömır süru sapasyn jaqsartyp, qolaily jaǧdai jasau üşın qolǧa alynǧan şarualar az emes. Qalanyŋ tırşılıgı toqtausyz jüru üşın jaryq pen su üzılmei, jol men kölık infraqūrylymy salasy dūrys jūmys ısteuı kerek. Älbette, kez kelgen salanyŋ damuy qarjyǧa kelıp tıreledı. Qala qorjynyndaǧy qarajat tiımdı igerılse, şaşauy şyǧarylmai, maqsatty jūmsalsa, tūrǧyndardyŋ tynys-tırşılıgı de jandana tüserı sözsız. Būl jaǧynan Astananyŋ aiaq alysy qandai? Astana qalasy boiynşa Tekseru komissiiasy jürgızgen saualnama nätijesı astanalyq tūrǧyndardyŋ 74 paiyzy qalada atqarylyp jatqan jūmystarǧa köŋılı tolatynyn körsetken. Būl – aitarlyqtai jaqsy körsetkış. Degenmen de, elorda biudjetın josparlauda jäne oryndauda kemşılıkter de joq emes. Būl jönınde gazetımızdıŋ tılşısıne bergen sūhbatynda Astana qalasy boiynşa Tekseru komissiiasynyŋ töraǧasy Ǧalymjan Moldaş aityp berdı.
Elorda ekonomikasynyŋ ösımı
– Ǧalymjan Ömırälıūly, qazırgı taŋda elordanyŋ ekonomikasy qanşalyqty qarqyndy damuda?
– Ötken jyldyŋ qorytyndysy boiynşa syrtqy jäne ışkı qolaisyz faktorlarǧa qaramastan, elorda ekonomikasy edäuır ösımdı körsettı: atalmyş kezeŋde qalanyŋ jiyntyq öŋırlık önımı (JÖÖ) 4,6 trln teŋgege jettı. Būl 2014 jylmen salystyrǧanda 15,8%-ǧa artyq. JÖÖ kölemı boiynşa elordamyz respublika boiynşa Almaty qalasynan keiın ekınşı orynda.
– Ötken jylǧy elorda biudjetınıŋ kölemı qandai boldy?
– Bırneşe tüzetulerden keiın ol 385,6 mlrd teŋgenı qūrady, būl bekıtılgen jospardan 45,4 mlrd teŋgege nemese 13,4%-ǧa artyq.
– Qarajattyŋ negızgı bölıgı qandai salalarǧa jūmsaldy?
– Soŋǧy üş jyl ışınde şyǧyndardyŋ negızgı bölıgı tūrǧyn üi-kommunaldyq şaruaşylyq, otyn-energetikalyq keşen, kölık jäne kommunikasiialar salalaryna tiesılı, būl biudjettıŋ 12%-dan 23,4%-yna deiın qūraidy. Biudjettıŋ 6-dan 13,9%-ǧa deiıngı bölıgı bılım, densaulyq saqtau, mädeniet, sport, turizm jäne aqparattyq keŋıstık salalaryna jūmsalǧan.
– Byltyrǧy qala biudjetı qanşa paiyzǧa igerıldı?
– Ötken jyly biudjet qarajatyn igeru joǧary deŋgeidı körsetıp, 99,8%-ǧa jettı. 2013 jyldan berı bız biudjettıŋ sapaly oryndaluynyŋ maŋyzdy körsetkışınıŋ bırı – debitorlyq bereşek kölemınıŋ tömendeu ürdısın baiqap otyrmyz, onyŋ kölemı 2015 jyldyŋ qorytyndylary boiynşa 43,8 mlrd teŋgenı qūrady, būl 2014 jylǧy körsetkışten 2,5 mlrd teŋgege tömen. Kreditorlyq bereşek boiynşa da oŋ dinamika saqtaluda. 2015 jylǧy qorytyndy boiynşa ol 2014 jylmen salystyrǧanda 50%-dan astam nemese 3,5 mlrd teŋgege tömendegen.
– Sız jergılıktı biudjettı josparlaudaǧy qandai kemşılıkterdı atar edıŋız?
– İnvestisiialyq jobalar tızbesın äzırleuge öte mūqiiat qarau kerek. Bız ötkızgen auditorlyq ıs-şaralar nätijesınde investisiialyq jobalardyŋ bekıtılgen tızbesıne bırneşe ret özgerıster men tolyqtyrular engızılgendıgı anyqtaldy. Mysaly, 2015 jyly tızbeden jalpy somasy 3,9 mlrd teŋgenı qūraityn 36 joba alynyp tastalsa, 34,7 mlrd teŋge somasyna 106 joba engızılgen. Sondai-aq, jobalar arasynda biudjet qarajatyn qaita böludı barynşa azaitu qajet dep esepteimız, osylaişa bölıngen qarajattyŋ paidalanu tiımdılıgın arttyruǧa bolady. Būl jerde aita keterlıgı, zaŋnamaǧa säikes äkımşıler naqty investisiialyq jobaǧa bölıngen biudjet qarajatynyŋ 10%-dan aspaityn bölıgın ǧana öz betınşe qaita böluge qūqyly. Alaida, ıs jüzınde jekelegen jaǧdailarda belgılı bır investisiialyq jobanyŋ jüzege asyryluyna bölıngen qarajattyŋ jartysynan astamy qaita bölıngen, öz kezegınde būl qoldanystaǧy zaŋnamany būzuǧa ǧana emes, qarajattyŋ ärı qarai igerılu tiımdılıgı men sapasyna, investisiialyq jobalardyŋ aiaqtalu merzımıne, osydan kelıp şyǧatyn barlyq terıs saldarlarǧa äkep soǧady. Mūnymen qosa, keide äkımşıler qajettı salalyq jäne ekonomikalyq saraptamalardy alu, investisiialyq ūsynystardy äzırleu jönındegı zaŋnama talaptaryn nazardan tys qaldyryp jatady.
İndustrialdyq damudyŋ qarqyny
– Qazaqstan Respublikasynyŋ üdemelı industriialdyq-innovasiialyq damuynyŋ 2010-2014 jyldarǧa arnalǧan memlekettık baǧdarlamasynyŋ elordada jüzege asyrylu qarqyny jönınde aityp berseŋız?
– Äkımdıktıŋ atalmyş memlekettık baǧdarlamany, basqa da käsıpkerlık subektılerınıŋ ıskerlık belsendılıgın jandandyruǧa baǧyttalǧan baǧdarlamalary, atap aitqanda İndustriialdyq park qūrylysy, arnaiy ekonomikalyq aimaqty odan ärı damytu, İndustriialandyru kartasyn jetıldıre tüsu, tūtastai alǧanda, qalanyŋ biznes ahualyn jaqsartuǧa oŋ äserın tigızdı. Mäselen, soŋǧy bes jylda arnaiy ekonomikalyq aimaqtyŋ, onyŋ ışınde İndustriialdyq park aumaǧyndaǧy käsıpkerler biudjetke 17 mlrd teŋgeden astam somaǧa salyq tölegen. 2010-2014 jyldary İndustriialdyq park käsıporyndary 480 mlrd teŋge somasyna önım öndırgen. Būl käsıporyndardyŋ bes jyl ışındegı jalpy qala önerkäsıbınıŋ kölemındegı ülesı 42,7% qūrady. Osynyŋ arqasynda 3 myŋnan astam jūmys orny aşyldy. «Biznestıŋ jol kartasy-2020» baǧdarlamasyn ıske asyru şeŋberınde 2010 jyldan bastap 297 şaǧyn jäne orta biznes subektısıne memlekettık qoldau körsetıldı, nätijesınde qoldanystaǧy 8 myŋnan astam jūmys orny saqtalyp, 4 myŋnan astam jaŋa jūmys orny qūrylǧan. Sonymen qatar, «Biznestıŋ jol kartasyna» qatysuşylar 2010-2015 jyldary 20 mlrd teŋge salyq tölegen.
Memlekettıŋ qoldauyn aqtamaǧandar da bar
– «Biznestıŋ jol kartasy-2020» baǧdarlamasyna qatysuşylardyŋ barlyǧy bırdei körsetılgen memlekettık qoldaudy aqtai aldy ma?
– Ökınışke qarai, bärı bırdei aqtai almady. Mysaly, «Biznestıŋ jol kartasy» qatysuşylarynyŋ 17,5%-y 2010-2014 jyldary salyqtyq audarymdar jasamaǧan, käsıporyndardyŋ 35,4%-y jūmys oryndaryn qūrmaǧan, al 34% käsıporyn ıs jüzınde sol küiı önım şyǧarmaǧan. Iаǧni, elordada «Biznestıŋ jol kartasyn» ıske asyru nätijelerı aitarlyqtai jaǧymdy bolǧanymen, onyŋ qatysuşylaryn ırıkteu sapasyn jäne olardyŋ qyzmetın monitoringıleudı küşeituge köbırek köŋıl bölu qajet.
– İndustriialyq park käsıporyndaryn barlyq qajettı infraqūrylymmen qamtamasyz etu mäselesı qanşalyqty şeşılgen?
– Būl jerde de memlekettık auditorlarymyz merdıgerlerdıŋ qūrylys jūmystaryn belgılengen merzımde aiaqtaudy saqtamauyna bailanysty bolǧan bırqatar kürdelı mäselelerdı anyqtady. Bızdıŋ oiymyzşa, būl käsıporyndardyŋ tolyq öndırıs quatyna ötuıne kerı äserın tigızedı. Baqylau jürgızu sätınde İndustriialdyq park aumaǧynda jūmys ıstep otyrǧany 54 käsıporynnyŋ tek beseuı nemese 9,2%-y ortalyq jylu jüiesımen qamtamasyz etılgen, avtomobil joldarynyŋ ūzyndyǧy 80%-dy qūraǧany, su qūbyrlarynyŋ ūzyndyǧy – 77%, tūrmystyq kärız jelılerı – 80%, suaǧar kärız jelılerı 82% ekenı belgılı boldy. Nätijesınde İndustriialdyq parktıŋ tek ekı käsıporyny ǧana öndırıs quatynyŋ 50%-yna qol jetkızgen. Sol uaqyttan berı jaǧdai tübegeilı özgermedı dep oilaimyn.
– Memlekettık baǧdarlama şeŋberınde jūmyssyzdardy jūmyspen qamtu mäselesıne de toqtala ketseŋız?
– Qolda bar aqparatqa süiensek, 2011-2015 jyldary «Jūmyspen qamtu-2020» jol kartasynyŋ şeŋberınde 4 708 adam oqytyldy jäne osy maqsattarǧa biudjetten 3,2 mlrd teŋge bölıngen. Äu basta mamandardy daiarlau İndustriialdyq park käsıporyndarynda jūmysqa ornalastyruǧa baǧyttalǧan bolatyn. Nätijesınde oqytylǧandardyŋ 72%-y jūmysqa ornalastyryldy, ÜİİDMB käsıporyndaryna oqytudan ötkenderdıŋ tek 1,8%-y jūmysqa jıberıldı. Būl rette memleket qarajaty esebınen jürgızılgen mamandyqtar boiynşa oqyǧan azamattardy jūmyspen qamtu deŋgeiı tömen ekendıgın baiqauǧa bolady. Iаǧni, oqytylǧandardyŋ sany jūmys beruşılerdıŋ belgılı bır mamandarǧa degen sūranysynan edäuır asyp tüsedı.
Elordanyŋ talaby özgeşe
– Astana qalasyn damytudyŋ 2010-2015 jyldarǧa arnalǧan baǧdarlamasynyŋ ıske asyrylu deŋgeiın qalai baǧalaisyz?
– Tūtastai alǧanda, baǧdarlama negızgı maqsatty indikatorlaryna qol jetkızdı. Bız täuelsız sarapşylardy tartyp, qala tūrǧyndarynyŋ arasynda äleumettık saualnama jürgızdık. Saualnama nätijesınde tūrǧyndardyŋ 74%-y qalanyŋ tynys-tırşılıgın qamtamasyz etetın jüielerıne qanaǧattanatynyn jetkızdı. Būl – joǧary körsetkış. Sonymen bırge, mūndai auqymdy baǧdarlamany jüzege asyruda kemşılıkter de joq emes. Baǧdarlamany äzırleu kezınde berılgen mındetterdı şeşu boiynşa jekelegen ıs-şaralar men qandai da bır naqty äreketterdı qamtymai, körsetkışter jalpylama berılgen, būl atqarylǧan jūmystarǧa monitoring jürgızudı qiyndatatyny sözsız. Atap öterlıgı, äuelden damu baǧdarlamalaryn äzırleu boiynşa ädıstemelık qūjattardyŋ özınde kemşılıkter jıberılgen, ärine, būl Astana qalasynyŋ damu baǧdarlamasyn äzırleu sapasyna da öz äserın tigızdı. Nysanaly indikatorlar men körsetkışterdı anyqtauda salalyq ministrlıkterdıŋ talaptary eskerılgen. Al elordanyŋ özındık erekşelıgı men talaby bar. Sondyqtan keibır talaptardyŋ qalanyŋ naqty tırşılıgıne, şyndyǧyna ärdaiym säikes kele bermeidı. Üstımızdegı jyly elordada Astana qalasyn damytudyŋ 2016-2020 jyldarǧa arnalǧan jaŋa baǧdarlamasyn jüzege asyru bastaldy, onda aldyŋǧy baǧdarlamanyŋ barlyq kemşılıkterı eskerıldı dep esepteimın.
Bes jylda atqarylǧan ıs az emes
– Üstımızdegı jyly tekseru komissiiasy instituty özınıŋ bes jyldyǧyn atap ötedı. Osy merzım aralyǧynda jūmystyŋ nätijelerı qandai?
– Osy jyldyŋ tamyz aiynda bızdıŋ Tekseru komissiiasynyŋ qūrylǧanyna 5 jyl tolatynyn quanyşpen atap ötemın. Osylaişa, 2011 jylǧy 2 mamyrda Memleket basşysy jaŋadan qūrylatyn memlekettık organdardyŋ funksiialary men mındetterın, sondai-aq ştattyq sanyn belgıleumen barlyq öŋırlerde Tekseru komissiialaryn qūru turaly jarlyq qabyldady.
Ötken bes jyl ışınde Astana qalasy boiynşa Tekseru komissiiasy elorda biudjetınıŋ atqaryluyna syrtqy melekettık qarjylyq baqylaudy jüzege asyratyn tolyqqandy memlekettık organ retınde qalyptasty. Mysaly, ötken merzım ışınde bız 500-den astam obektıde 125-ten asa baqylau ıs-şaralaryn jürgızdık. Jyl saiyn barlyq derlık biudjettık baǧdarlama äkımşılerı, sonyŋ ışınde olardyŋ vedomstvolyq baǧynyşty ūiymdary men käsıporyndary baqylaudan ötedı. Osylaişa, baqylaumen qamtylǧan biudjet qarajaty men memleket aktivterınıŋ kölemı 860 mlrd teŋgeden asty, anyqtalǧan qarjylyq būzuşylyqtar kölemı 242 mlrd teŋgenı qūrady. Memlekettık biudjet kırısıne 2,0 mlrd teŋgege juyq soma öteldı, tauarlarmen, jūmystarmen nemese esepke alu boiynşa 70 mlrd teŋge qalpyna keltırıldı. Baqylau ıs-şaralarynyŋ nätijesınde baqylau obektılerıne tiıstı tapsyrmalar men ūsynymdar berıledı. Būl tapsyrmalardy yjdahatty oryndau jäne biudjet qarjysyn dūrys igeru qala tırşılıgın jandandyryp, tūrǧyndarǧa qolaily jaǧdai jasauǧa mümkındık beredı. Al öz azamattardyŋ tırşılık qolailylyǧyna qanaǧattanu deŋgeiı – ärbır memlekettık organnyŋ eŋ maŋyzdy mındetı ekenı dausyz.