Elorda äkımdıgı är jeksenbı saiyn Astanalyq saiabaqta tegın būqaralyq jattyǧular ötkızu dästürın qalyptastyryp otyr. Bügınde taza aua aiasynda jattyǧu jasauǧa keletınder qatary köbeiıp keledı.
Endı elorda tūrǧyndary men qonaqtary jaz boiy «Astanalyq», «Studenttık», «Jerūiyq» jäne «Arai» saiabaqtarynda da är senbı-jeksenbı künderı saiyn uaqyttaryn tiımdı ötkıze alady. Astana qalasynyŋ äkımdıgı demalys saiyn saǧat 15.00-19.00 aralyǧynda atalǧan saiabaqtarda auqymdy mädeni baǧdarlama men sporttyq-oiyn sauyq şaralardy ūiymdastyrady. Bas qaladaǧy mädeni ortalyqtar, bi men vokaldyq toptar qatysatyn būl şaralar 1 mausymnan 31 tamyzǧa deiın jalǧasady.
Täuelsızdıgımızdıŋ 25jyldyǧyna arnalyp, «EKSPO – 2017» halyqaralyq mamandandyrylǧan körmesıne daiyndyq retınde qolǧa alynatyn būl paidaly ıs qala tūrǧyndary men qonaqtarynyŋ otbasylyq demalysyn ūiymdastyruǧa, salauatty ömır saltyn nasihattauǧa baǧyttalǧan.
Saiabaqqa keletın är azamat klassikalyq muzyka tyŋdap, türlı oiyndarǧa qatysady. Sondai-aq, ertegı keiıpkerlerımen, küldırgış kloundarmen kezdesıp, köŋıl kötere alady.
Amanǧali QALJANOV
