SAIаBAQTAR SALTANATY
Astana künı aiasynda «Kün älemı» atty qalalyq saiabaqtardyŋ festivalı ötude. Onda elorda tūrǧyndary men qonaqtary «Jerūiyq», «Arai» jäne «Astanalyq» saiabaqtarda «EKSPO» halyqaralyq körmesınıŋ tarihymen tanysyp, türlı merekelık şaralardy qyzyqtauda.
Joǧaryda atalǧan saiabaqtarda täuelsızdıktıŋ 25 jyldyǧyna arnalǧan köz tartymdy dekorasiialar qoiylǧan. Sondai-aq, saiabaqtar är qūrylyqtarǧa bölınıp, öz erekşelıgımen köpşılıktı taŋqaldyrdy. Mäselen, «Astanalyq» saiabaq halyqaralyq körmenı ötkızgen Europa men Avstraliia memleketterın beineledı. «Jerūiyq» saiabaǧy Aziia qūrylyǧyn mekendegen Japoniia, Korei, Qytai jäne Qazaqstan memleketterınıŋ bai tarihyn baiandady. Al «Arai» saiabaǧynda Soltüstık jäne Oŋtüstık Amerika ornalasyp, «EKSPO» körmesın ötkızgen AQŞ, Kanada jäne Braziliia elderı jaiynda taǧylymdy dünieler aityldy.
Qyzyqty şara aiasynda jūrtşylyqqa türlı halyqtardyŋ bilerı ūsynyldy.
Ūlttyq muzyka aspaptarynda oinau men suret salu şeberlıgı boiynşa köpşılıkke şeberlık synyptary ötkızıldı. Sonymen bırge qala tūrǧyndary men qonaqtary tättı taǧamdardan däm tatyp, «Roksanaki», «Köktürıkter», «Bugarabu»jäne «Arqaiym» toptary önerpazdarynyŋ muzykalyq baǧdarlamalaryn tamaşalady.
Azamat ESENJOL