«Bolǧanynan boladysy qyzyq toi» osylai közdı aşyp-jūmǧanşa öte şyqty. Astana halqy taǧy bır meiramdy qimastyqpen şyǧaryp salyp, qym-quyt tırlıgıne qaitadan bas qoidy.
Osy oraida 5, 6, 7 şılde künderı «Qazaq elı» monumentı aldyndaǧy alaŋda būqaralyq seruen ötıp, «Şuaqty qala» otbasylyq festivalı ūiymdastyrylǧan edı.
Derekterge sensek, festivalge alǧaşqy künnıŋ özınde 800-ge juyq bala qatysypty. Barlyǧy derlık tūrmysy tömen jäne köpbalaly otbasylardyŋ müşelerı. Olar alaŋda şeŋber jasap, eldegı bırlık pen tatu tırlıktıŋ körınısın körsettı. Is-şaranyŋ soŋy merekelık konsertke ūlasyp, büldırşınder europalyq «Şapito» sirkınıŋ qoiylymdaryn tamaşalady. Sondai-aq, elımızdıŋ tört būryşynan jetken jas önerpazdar – änşıler, küişıler jäne bişı qyzdar sahnanyŋ sänıne ainaldy.
Aumaq barlyq jas şamasyndaǧy adamdardyŋ qyzyǧuşylyqtaryna qarai 16 alaŋǧa bölıngen. Onyŋ ärqaisysy öz aldyna bölek bezendırılgen jeke keŋıstık, jeke älem. Mysaly, balalarǧa arnalǧan oiyn-sauyq alaŋdarynda bi, körkemöner saiysy, qoldanbaly öner türınen şeberlık saǧattary ötkızıldı. Būl jas jetkınşekterdıŋ ruhani bailyǧyn odan ärı damytyp, elımızdıŋ estı azamaty bolyp ösuıne oŋ yqpal etedı. Sondai-aq, kelesı alaŋda eresekterge arnalǧan san türlı sporttyq oiyn-sauyq baǧdarlamalary ūiymdastyryldy. Qappen sekıru, üş döŋgelektı velosipedpen jarys, sumo jekpe-jegı, alyp şahmatta oinau jäne t.b. köptegen qyzyqty şaralar merekege qatysuşy jūrtşylyqtyŋ köŋılınen şyǧa bıldı.
Solardyŋ bırı – «Bamper bol» oiyny. Ūiymdastyruşylardyŋ aituynşa, sporttyŋ būl türı bızdıŋ elımızde tūŋǧyş ret ötkızılıp otyr. Oiynǧa qatysuşylar arnaiy sferalardy kiıp alyp, qarsylasynyŋ qaqpasyna dop soǧuǧa tyrysady. Qazırgı uaqytta futboldyŋ osyndai erekşe türı köptegen şet memleketterın baǧyndyryp ülgerdı. Erekşe futboldyŋ bırınşı matchy 2011 jyldyŋ soŋynda Norvegiiada ötken bolatyn. Sodan berı attraksion halyq arasynda keŋınen tanymal.
Sonymen qatar, auqymdy ıs-şaralar aiasynda «Şeberler qalasy» alaŋynda qoldanbaly öner şeberlerınıŋ jeke jūmystary köpşılık nazaryna ūsynylsa, suretşıler toişy qauymnyŋ portretterın saldy.
Nūrislam QŪSPANǦALİ
