Sızderge myŋ taǧzym, qūrmettı ardagerler!
Jeŋıs merekesı – aǧa buyn aǧalar men atalarymyzdyŋ elınıŋ azattyǧy üşın, öskeleŋ ūrpaqtyŋ baqyty üşın küresken qasterlı kün.
Otan üşın ot keşken qadırlı qariialarymyzdyŋ qatary uaqyt ozǧan saiyn azaiyp bara jatqany ökınıştı. Bız jauynger ardagerlerımızdıŋ qūrmetıne Jeŋıstıŋ 68 jyldyǧyn olarǧa laiyq deŋgeide atap ötuımız kerek. Öitkenı būl – erlık pen eldıktıŋ, batyrlyq pen öjettıktıŋ meiramy.
Qazaqstannan qan maidanǧa attanǧan er jürek ūl-qyzdar faşizmdı jeŋu jolynda asqan erlık körsetıp, jeŋıstı jaqyndatuǧa ülken üles qosty. Jauyngerlıktıŋ biık ülgısın körsete bılgen ardaqty ardagerlerımız barlyq maidanda da jan aiamai kürestı. Olardyŋ artynda qalǧan otbasy atpal azamattarynyŋ jeŋıske jetetınıne sendı jäne sol qasiettı kündı asqan şydamdylyqpen küttı.
Qazaqstandyq jüz myŋdaǧan otandasymyz eldıŋ sol senımın aqtap, erlıktıŋ eren ülgısın körsettı. Olardyŋ bärı de keudelerıne orden, medaldardy jarqyrata taǧyp, Otanyna abyroi äkeldı. Soǧysqa qatysqan 500-ge juyq jauynger «Keŋes odaǧynyŋ batyry» ataǧyn aldy. Bauyrjan Momyşūly, Äliia Moldaǧūlova, Talǧat Bigeldinov, Mänşük Mämetova, İbragim Süleimenov, Sūltan Baiǧambetov syndy köptegen batyr tūlǧalardyŋ esımı elımızdıŋ jüregınde mäŋgı saqtalady. Osyndai esıl azamattardyŋ arqasynda jeŋıs tuy jelbıregenın keiıngı ūrpaq eşqaşan ūmytpaidy.
Elbasy Nūrsūltan Nazarbaev soǧys ardagerlerıne erekşe qamqorlyq körsetıp keledı. Biyl bız Jeŋıstıŋ 68 jyldyǧyn atap ötemız. Būl – sız ben bızdıŋ ortaq tarihymyz. Osynau erlık meiramyna daiyndalu – Ardagerler keŋesı üşın ülken märtebe. Küllı adamzatqa qauıp töndırgen sūm soǧystyŋ zardabyn tartyp, Otany üşın jan alysyp, jan berısken ardaqty ardagerlerımızdı qūrmetteu, solarǧa arnap mereke ötkızuge daiyndalu bızge tek qana quanyş syilaidy.
Ardagerler keŋesı Esıl audany äkımdıgımen bırlesıp, köptegen şaralardy qolǧa aldyq. Mūndai merekeler tek Jeŋıs künınde ǧana emes, jyl boiy da jalǧasyn tabatyn bolady. Bız bırde bır soǧys ardagerı nazardan tys qalmai, bärıne bırdei qūrmet körsetıluıne erekşe män beremız.
Soǧys ardagerlerı men tyl eŋbekkerlerın Ūly Jeŋıs merekesımen qūttyqtai kele, olarǧa myqty densaulyq, ūzaq ǧūmyr, baqytty sätterınıŋ köp boluyn tıleimız.
Bız sızderge qaryzdarmyz!
Sızderge myŋ taǧzym, qūrmettı maidangerler!
Rysty ATYǦAEVA,
Esıl audandyq Ardagerler
keŋesınıŋ töraǧasy