Köktem şyqqaly beri elimizdiŋ barlyq aimaqtarynda tazalyq jūmystary jürgizilip jatyr. Eŋkeigen käriden eŋbektegen balaǧa deiin özderi tūratyn auyl-aimaqty tazalap, aǧaş otyrǧyzyp, Jer-anaǧa qamqorlyq jasauda.
Elbasy tapsyrmasyn basşylyqqa alǧan astanalyqtar da elimizdiŋ erteŋi, ūrpaǧymyzdyŋ bolaşaǧy körikti boluy üşin osynau igilikti iske üles qosyp jür. Al, sizdiŋ pikiriŋizşe, senbiliktiŋ paidasy qandai?
Baǧdat ÄZBAEV,
«Astana ormany» JŞS-niŋ direktory:
– Europa elderindegi qalalar senbiliktersiz-aq tap-taza. Sebebi, ondaǧy tūrǧyndarǧa tazalyq pen tärtip, eŋ aldymen özderi üşin qajet. Olar, tipti temeki tūqylyn da kez kelgen jerge laqtyrmaidy: mentaliteti basqa. Bizdiŋ qalalyqtardyŋ osyny qataŋ eskergeni jön. Jalpy, bile bilgen adamǧa senbiliktiŋ paidasy ūşan-teŋiz. Auamyz taza bolmasa, tamaǧymyz siŋimdi, köŋilimiz köteriŋki bolmaidy. Sondyqtan kez kelgen tūrǧyn özi tūratyn ainalany taza ūstap, şamasy kelse köşetter otyrǧyzǧany jön. Būl tärbieni jastar arasynda köbirek nasihattaudyŋ artyqtyǧy joq. Sonda qalalyq mädeniet te qalypqa tüsedi.
Astana – basqa öŋirlerge qaraǧanda jas äri taza qala. Sondyqtan är tūrǧyn öz qalasynyŋ tazalyǧyna üles qosyp, tuǧan jerine degen süiispenşiligin bildirui kerek. Būl rette bizde qalany körkeitip, abattandyru jūmystaryna arnalǧan memlekettik baǧdarlamalar bar. Osy baǧytta bölinetin qarjy kölemi de ülken.
«Bir tal kesseŋ, on tal ek» degen. Sol aitqandai, ärqaisysymyz bir taldan egetin bolsaq, Astana qalasynda qanşama tūrǧyn bar, jyldan jylǧa köbeiip kele jatyr, solar tegis atsalyssa, qalamyz odan äri körkeie tüser edi.
Tūrǧyndar jekemenşik üilerinen şyǧatyn tūrmystyq qaldyqtardy kez kelgen jerlerge tögip, stihiialyq qoqys alaŋdaryn jasaudy toqtatpaiynşa, osy jönindegi tüsinigin, oi-sanasyn özgertip, jaŋartpaiynşa, nätijege qol jetkizu qiyn. Äli de bolsa avtokölikten qoqys laqtyratyndardan aryla almai kelemiz. Sondyqtan būl iske tärtip saqşylaryn, sanepidemstansa därigerlerin qatystyrudyŋ eş aiyby joq. Qazaq, negizi, yrymşyl halyq qoi. Keide «jerge qoqys tastasaŋ, jolyŋ bolmaidy» degendei sözderdi aityp otyru da, artyqtyq etpeidi dep oilaimyn.
