Elordada «Taza Qazaqstan: Astana – tazalyq pen tärtıptıŋ ülgısı» auqymdy ekologiialyq aksiiasy ötıp jatyr, dep habarlaidy astana-akshamy.kz
Būl aptalyq «Jasyl aimaq» ūranymen aǧaş otyrǧyzu, aqtau, t.b. şaralarǧa arnalyp otyr. Ekoaksiiaǧa 70-ke juyq şeteldık elşılıkter men halyqaralyq ūiymdar qoldau körsettı. Olardyŋ arasynda Japoniia, Türkiia, Resei, t.b. elşılıkterı aǧaş otyrǧyzyp, aumaqty abattandyrdy.
«Qalada jūmys ıstep, tūryp jatqan uaqytymda elordanyŋ qalai damyp, körkeiıp kele jatqanyn körıp jürmın. Ärbır tūrǧynnyŋ tazalyq pen tärtıptı qamtamasyz etuge qalai üles qosyp jatqanyn köru quantady. Bız öz kezegımızde dostarymyz ben körşılerımız üşın öte quanyştymyz. Sonymen, bügın ekologiialyq aksiiaǧa qoldau körsete otyryp, «Taza Qazaqstan. Astana – tazalyq pen tärtıp ülgısı» dep köşet egıp jatyrmyz. Osy sättı paidalana otyryp, barlyq elorda tūrǧyndary men qonaqtaryna zor densaulyq jäne tamaşa köktem tıleimın», – dedı Reseidıŋ Qazaqstandaǧy elşısı Aleksei Borodavkin.
Ekoaksiiaǧa qatysuşylar öz aumaqtaryn belsendı türde kögaldandyrdy.
«Keŋ auqymdy ekologiialyq nauqan aiasynda bız jasyl jelekterdı, atap aitqanda 25 üieŋkı köşetterın otyrǧyzu jūmysyn jürgızdık. Aita keterlıgı, «Jasyl aimaq» aptalyǧy 11 mamyrǧa deiın jalǧasyp, aǧaş otyrǧyzu men aqtauǧa arnalǧan», – deidı öndırıstık-tehnikalyq bölımnıŋ bas mamany Nūrbergen Nūrmūhambet.
Esterıŋızge sala keteiık, auqymdy ekologiialyq aksiia aiasynda qalany, nöser jäne aryq kärız jelılerın sanitarlyq tazalau, köşelerdı, trotuarlardy, kvartalışılık aumaqtardy, qoǧamdyq oryndar men aulalardy tazalau jūmystary da jürgızılıp jatyr.
Sondai-aq, jasyl jelekterdı kütıp-baptau jäne kögaldandyru, sauda nysandaryna ırgeles aumaqtardy tazalau, kögaldar men gülzarlardy retke keltıru, rūqsat etılmegen qoqystardy joiu jäne t.b. jürgızılıp jatyr.
