Jaŋa oqu jylynyŋ bastaluyna az uaqyt qaldy. Jaqyn arada qalamyzdaǧy sport mektepterıne oquşylardy qabyldau bastalady. Osyǧan orai balalar men jasöspırımder sport mektepterıne tärbielenuşılerdı qaşan jäne qandai sport türlerı boiynşa qabyldaityny jönınde gazetımızdıŋ aldaǧy nömırlerınıŋ bırınde tolyq mälımettı beretın bolamyz. Al bügın bızdıŋ saualymyzǧa Astana qalasyndaǧy №7 Olimpiadalyq rezervınıŋ balalar men jasöspırımderdıŋ mamandandyrylǧan sport mektebı direktorynyŋ orynbasary Asqar Äldibekov jauap berdı.
– Mektepterıŋızge balalardy qabyldau qaşan jürgızıledı jäne qai jastan bastap qabyldaisyzdar?
– Biyl qabyldau nauqany 17 tamyz ben 17 qyrküiek aralyǧynda jürgızıledı. Qalaǧan sportyna qarai 10 jastan 12 jas aralyǧyndaǧy balalar qabyldanady.
– Qandai sport türlerı boiynşa oqu-şynyqtyru jürgızesızder?
– Atap aitqanda, dziudo, taekvondo, grek-rim küresı, erkın küres, konkur, üşsaiys, karate-do, sambo, qazaq küresı, uşu taolu, kiokuşinkai kan karate, şinkiokuşinkai karate, kikboksing, muaitai sport türlerın ūsynamyz.
Tolyq aqparatty www.7sportmekteby.kz saitymyzdan jäne 39-00-92, 39-01-19 bailanys telefondary arqyly da bıluge bolady.
– Jaŋa oqu jylyna bapkerlerıŋız ben bazalaryŋyz saqadai sai şyǧar…
– Ärine, daiynbyz. Qazır mektep äkımşılıgı men bapkerler toby qabyldau nauqanyna bailanysty jūmys jürgızıp jatyr. Tüiındep aitqanda, salauatty ömır saltyn saqtai bıletın, sportty taŋdaǧan balalarǧa bızdıŋ esıgımız ärdaiym aşyq . Tek salauatty ūlt bäsekeles elderdıŋ qataryna kıre alady. Sondyqtan, bolaşaq chempiondardy tärbieleuge barynşa atsalysamyz.
Gülmira Aimaǧanbet
