Sport – memlekettıŋ märtebesın, ūlttyŋ namysyn aiqyndaityn körsetkış. Osy oraida, halyqaralyq arenada Qazaqstan sportynyŋ bedelı jyl sanap köterıle tüskenın aŋǧara alamyz. Biyl törtkül dünie köz tıkken London olimpiadasyndaǧy (7 altyn medal!) jarqyn jeŋısterımız, Aziada oiyndaryn ötkızgenımız, būl bairaqty jarysta da qūrlyqtyŋ aldy bolǧanymyz (32 altyn medal!) elımızde sportty damytuǧa airyqşa maŋyz berılıp otyrǧanyn aiǧaqtaidy. Soŋǧy jyldary boi kötergen zäulım sport ǧimarattary, elımızde ırı halyqaralyq jarystardy ötkıze bastaǧanymyz älemdık sportqa bäsekelı bola bastaǧanymyzdy da aŋǧartady. Būl rette Memleket basşysy Nūrsūltan Nazarbaevtyŋ el sportyna erekşe yqylaspen qaraitynyn aitpasqa bolmaidy.
Şyndyǧynda, Elbasymyzdy naǧyz sportşy prezident desek, artyq aitqanymyz bolmas. Bıle bılsek, Nazarbaev – küresten sport şeberı. Osy oraida, Elbasymyzdyŋ bapkerı bolǧan, Ukraina jäne Qazaqstannyŋ eŋbek sıŋırgen jattyqtyruşysy Lev Ejevskiidıŋ estelıgıne nazar audaryp körelık. «1958 jyly bızdıŋ Dneprodzerjinsk qalasyna Qazaqstannan bır top jas jıgıtter oquǧa kelgen. Olar №8 tehuchilişede oqydy. Bırde men jattyǧu ötkızetın zalǧa şymyr denelı, tyǧyrşyqtai jas jıgıt kelıp, «Menı jattyǧuǧa alasyz ba?» dep sūrandy. «Aty-jönıŋ kım, būryn kürespen ainalystyŋ ba?» dep, özıne sūraq qoidym. «Atym – Nūrsūltan, familiiam – Nazarbaev, küreske äkemnıŋ üiretkenı bar…» dep jauap berdı. «Olai bolsa şeşın, köreiık» dep, zalda jattyǧyp jürgen Kolia Litoşkony şaqyryp, «Myna jıgıttı baiqaiyqşy, bıraz jūlqylap körşı» dep kürestırıp jıberdım. Sol-aq eken, özım ülken ümıt artyp jürgen Litoşkomdy Nūrsūltan şalt qimylymen şalyp tüsırdı. Bärımız ün-tünsız qaldyq. Sodan berı Nazarbaev naǧyz baluandyqty meŋgere bastady. Kolia ekeuı dos bolyp ta kettı. Jattyǧularda erınbeitın, jeŋıske degen jıgerı körınıp tūratyn.
Nūrsūltan Nazarbaev Dneprodzerjinsk qalasynda ötkızgen ekı jylynda naǧyz baluan bolyp qalyptasty. Klassikalyq jäne erkın kürespen qatar ainalysty. Ätteŋ, kürestıŋ soŋyna tübegeilı tüskende ülken jetıstıkterge jetetın qabıletı bar edı. Bıraz jarystarda ysyldy. Al, 1959 jyly ol VSSPS, iaǧni, Bükılodaqtyq käsıpodaqtardyŋ ortalyq keŋesı turnirınıŋ chempiony boldy. Ol kezde mūndai jarystyŋ jeŋımpazdaryna sport şeberı ataǧy berıletın. Osylaişa, Nazarbaev sport şeberı normativın oryndaǧan bolatyn. Al men üşın taǧy bır erekşe quanyş, sol kezderdegı şäkırtımnıŋ bırı memleket basşysy, iaǧni prezident bolǧany».
Mıne, bapkerlık ömırınde 25 sport şeberın daiarlaǧan Lev Ejevskii özınıŋ qol astynda jattyqqan Nūrsūltan Nazarbaev turaly osylaişa äŋgımeleidı.
Elbasy – sport salasyn damytuǧa bailanysty tek memlekettık maŋyzdy ıs-şaralardy jüzege asyryp qoimai, jeke basynyŋ salauattylyǧyn, iaǧni, sportpen şūǧyldanatynyn da önege etıp körsete alatyn tūlǧa. Būl oraida bız Prezidenttıŋ suda jaqsy jüzetının, atqa jaqsy mınetının, tennis pen golftı jaqsy oinaitynyn, şaŋǧymen jaqsy syrǧanai bıletının bılemız. Tüptep aitqanda, Elbasymyz
Nūrsūltan Nazarbaev «naǧyz sportşy prezident» dep atauǧa tūratyn tūlǧa dep aita alamyz.
Ǧalym QOJABEKOV
