Keşe Astana qalasynyŋ äkımı Ädılbek Jaqsybekov ötkızgen kezektı apparat mäjılısınde demalys künderı tolassyz jauǧan jauyn saldaryn joiu mäselelerı men elordadaǧy sanitariialyq-epidemiologiialyq jaǧdai talqylandy dep habarlaidy qala äkımınıŋ baspasöz qyzmetı.
Nöser saldarynan 16-17 mamyr künderı elordanyŋ on ekı uchaskesın su basyp, kölık qozǧalysy şekteldı. «Qazgidromettıŋ» mälımetı boiynşa, jauyn-şaşynnyŋ ailyq mölşerı 34 mm bolsa, sol künı bır täulık ışınde 38,5 mm ylǧal tüsken. Sinoptikter elordada aldaǧy künderı de köşpelı būlt şyǧyp, jaŋbyr jauatynyn eskertedı.
– Jaŋbyr jauuy qalypty mölşerden asyp kettı jäne sinoptikterdıŋ boljamynşa, mūndai jaǧdai aldaǧy uaqytta da qaitalanuy mümkın. Sondyqtan, būl künderı barlyq tehnikany jūmyldyryp, kün saiyn kezekşılık ūiymdastyru qajet. Qauıptı jerlerge su soru qūrylǧylaryn ornatu kerek, – dedı äkım.
Qalanyŋ kommunaldyq qyzmetterı küşeitılgen tärtıppen jūmys ısteude. Astana qalasynda demalys künderı 10 myŋ tekşe metrden asa jaŋbyr suy soryldy.
Qala basşysy elordanyŋ sanitariialyq-epidemiologiialyq jaǧdaiyna toqtala kelıp, tūrǧyndardyŋ jappai ulanuy qoǧamdyq tamaqtanu oryndarynda tiıstı sanitariialyq talaptardyŋ, azyq-tülıktı saqtau erejelerınıŋ saqtalmauynan ekendıgın atap öttı.
– Azyq-tülıktıŋ dūrys saqtal-
mauy, tazalyq talaptarynyŋ oryndalmauy, taǧamnyŋ ainalasynda jürgen qyzmetkerlerınıŋ käsıbi deŋgeiınıŋ tömendıgı, baqylaudyŋ joqtyǧy – osynyŋ barlyǧy, tüptep kelgende, qaladaǧy tüitkıldı mäselege ainalyp otyr. Dämhanalar men ashanalardyŋ jūmysy baqylanbaidy. Būl mäselelerdı şeşu üşın qalanyŋ barlyq qūzırettı qyzmetterı jūmyldyrylyp, arnauly reidter ötkızıp, baqylaudy küşeituı qajet. Qala äkımı 10 mausymǧa deiın Astananyŋ bar-lyq qoǧamdyq tamaqtanu mekemelerındegı sanitariialyq jaǧdaidy tekserıp şyǧudy tapsyrdy.
