Talǧat ABDULLİN, Astana qalasy prokuraturasynyŋ basqarma bastyǧy: AZAMATTARDY SEBEPSIZ QUDALAUǦA JOL JOQ
– Talǧat Quandyqūly, jaqynda Astana qalasy prokuraturasynyŋ alqaly otyrysy öttı. Jiynda qandai mäseleler talqylandy?
– Qylmystyq proseste azamattardyŋ konstitusiialyq qūqylarynyŋ saqtaluy, Astana qalasynyŋ tüzeu mekemelerı men «Eŋbek» käsıporny filialdarynyŋ qyzmetınde eŋbek zaŋnamasynyŋ saqtaluy jäne sottalǧandardy jūmysqa ornalastyru boiynşa zaŋdylyqtyŋ jai-küiı qaraldy.
Jalpy, jyl basynan berı qylmystyq qudalau organdary 1005 adamdy ūstaǧan.
Prokurorlar tergeuşılerdıŋ 662 adamǧa qatysty qamauǧa alu sanksiiasyn beru turaly ötınışın qoldady. Būltartpau şarasyn qoldanuǧa negız bolmaǧandyqtan, 69 adamǧa qatysty ötınıştı qoldaudan bas tartty.
– Işkı ıster oryndarynda zaŋsyz qamauda otyrǧan azamattardyŋ qūqyn kım qorǧaidy?
– Azamattardy ışkı ıster organdaryna zaŋsyz jetkızu, olardy qyzmettık kabinetterde jäne basqa qyzmettık üi-jailarda ūstau, qamauda ūstau merzımın negızsız ūzartu sekıldı azamattardyŋ konstitusiialyq qūqylaryn būzu faktılerı köp kezdesedı. Jyl basynan berı prokuratura organdary Astana qalasynyŋ uaqytşa ūstau izoliatorynan 125 adamdy bosatty, al qylmystyq qudalau organdarynyŋ qyzmettık üi-jailarynan 71 adam bosatyldy.
Mäselen, qazan aiynda Saryarqa audandyq Işkı ıster basqarmasyn tekseru kezınde uaqytşa ūstau kamerasynda Qaiyrjanov degen azamatty zaŋda belgılengen merzımnen artyq ūstap otyrǧany anyqtaldy. Atalǧan derek boiynşa audandyq IIB jedel kezekşısı men kezekşı bölım bastyǧyna qatysty tärtıptık ıs qozǧady.
– Jasyratyny joq, keibır azamattardyŋ qūqyqtyq sauaty tömen. Qylmystyq ıs qozǧau barysynda mūndai azamattardyŋ konstitusiialyq qūqy jiı būzylatyn şyǧar?
– Ärine, qylmystyq ıs qozǧau arqyly qylmystyq qudalauǧa ūşyraǧan azamattardyŋ konstitusiialyq qūqylary būzylyp jatady. Aǧymdaǧy jyldyŋ ötken ailarynda aqtaityn negızder boiynşa 182 qylmystyq ıs qysqartylǧan. Onyŋ basym bölıgı Almaty audandyq Işkı ıster basqarmasyna tiesılı. Mäselen, prokuratura organdary qylmystyq qudalau organynyŋ qylmystyq ıs qozǧau turaly 90 şeşımın zaŋsyz dep tanyp, küşın joidy. Aǧymdaǧy jyly Astana qalasynyŋ prokuraturasy barlyǧy 207 qylmysty anyqtap, esepke qoidy. Prokurorlyq yqpal etu şaralarymen qylmystyq qudalau organdarynyŋ 72 lauazymdy tūlǧasy türlı tärtıptık jauapkerşılıkke tartyldy.
