Astana qalasyndaǧy Studenttık saiabaqta elorda künıne arnalǧan «Jastar ünı» aksiiasy öttı.
Äuelı aşyq alaŋda ūiymdastyrylǧan asyq atu saiysyna jasy da, jasamysy da qatysyp, bır mäz-meiram bolyp qaldy. Sodan soŋ komandalar ışınen ırıktelgen joǧary jäne orta arnauly oqu oryndary studentterınen qūralǧan toptar arasynda qyzyqty äzıl, öner saiystary öttı. Belgılı estrada jūldyzdary Qairat Baekenov jäne «Format» toby, Dos, Külaiym Qaiyrbaeva, Son Paskal, «Art- dombyra» aspaptyq triosy, «Viva» şou-baletı öner körsettı. Jeŋımpazdar diplom jäne baǧaly syilyqtarmen marapattaldy.
Astana qalasy Tılderdı damytu basqarmasynyŋ basşysy Erbol Tıleşov öz sözınde būl şaranyŋ jastar arasynda salmaǧy zor ekenın, ūlttyq taǧylymnan susyndatatynyn, bır jaǧy qazaqtyŋ töl mädenietın qaita jaŋǧyrtuǧa septesetının aitty.
