«Qazaq Epos» qoǧamdyq qorynyŋ respublikalyq jobasy «Tūlpar mınıp, tu alǧan!» baiqauynyŋ qalalyq kezeŋı qorytyndylandy.
Baiqau jas ūrpaqty halyq auyz ädebietımen susyndatuǧa olardyŋ oi ūşqyrlyǧy men tıl bailyǧynyŋ, sana-sezımınıŋ damuyna köp äserın tigızedı. Ata-babalarymyz qaldyrǧan asyl mūralar balalardyŋ öner-bılımge qūlşynysyn arttyryp, salt-dästür men ädet-ǧūrpyn qūrmetteuge tärbieleidı.
«Qazaq epos» qoǧamdyq qorymen «Astana daryny» ortalyǧy bırlese otyryp, Elbasy N.Ä.Nazarbaevtyŋ «Bolaşaqqa baǧdar: ruhani jaŋǧyru», «Ūly dalanyŋ jetı qyry» jäne Qazaqstan Respublikasynyŋ Prezidentı Q.K.Toqaevtyŋ «Täuelsızdık bärınen qymbat» maqalalarynda jüktelgen mındetterdı jüzege asyru maqsatynda Nūr-Sūltan qalasy bılım beru mekemelerınıŋ 6-10 synyp oquşylary arasynda «Tūlpar mınıp, tu alǧan!» baiqauynyŋ qalalyq kezeŋın ötkızdı. Baiqaudyŋ maqsaty – mektep oquşylary arasynda kıtap oqudy jäne qazaq halqynyŋ batyrlyq epostaryn nasihattau, öskeleŋ ūrpaqtyŋ ziiatkerlık qabıletın damytu, patriotizmge tärbieleu, qazaq tılı men ädebietı pänı mūǧalımderınıŋ bedelın köteru.
Baiqaudyŋ talaptaryna sai oquşylar «Er Edıge» jyryn tolyq jatqa oqydy, Ūlyq Ūlys (Altyn Orda) memleketınıŋ negızgı tarihi oqiǧalaryna qatysty sūraqtarǧa jauap berdı, jyrda kezdesetın könergen sözderdıŋ män-maǧynasyn tüsındırdı jäne qazaq ädebietı pänınıŋ oqu baǧdarlamasy negızınde äzırlengen sūraqtardy talqylady. 11-12 qaraşa künı ötken «Tūlpar mınıp, tu alǧan!» baiqauynyŋ audandyq kezeŋıne 62 mektepten 101 oquşy qatysty. Audandyq kezeŋnıŋ qorytyndysy boiynşa üzdık dep tanylǧan 12 oquşy (№86 ML, №38 ML, №72 ML, №54 ML, №16 OM, №55 OM, №81 mamandandyrylǧan gimnaziiasy, BİL (er) №77 MG, №40 ML (2) jäne №7 MG oquşylary) qalalyq kezeŋde öner körsettı.
Qalalyq kezeŋde jüldeger atanǧan oquşylar:
I oryn – №54 mektep-liseiınıŋ 7-synyp oquşysy Gülnazym Marat;
II oryn – №86 mektep-gimnaziiasynyŋ 7-synyp oquşysy Käusar Şyrynbai;
№81 «Astana English» mektebınıŋ 7-synyp oquşysy Aqgül Äbdıraşeva;
III oryn – №55 OM 7-synyp oquşysy Maira Serıkbaeva, №40 ML, 8-synyp oquşysy Aiym Töleubaeva.
Elordada bırneşe künge sozylǧan dübırlı dodada baby men baǧy oza şapqan Gülnazym Marat «Tūlpar mınıp, tu alǧan!» baiqauynyŋ respublikalyq kezeŋınde Nūr-Sūltan qalasynyŋ namysyn qorǧaityn bolady.
