Memleket basşysynyŋ tapsyrmasy boiynşa 2021 jyldan bastap elordada balalarǧa arnalǧan üiırmelerdıŋ qoljetımdılıgın qamtamasyz etuge baǧyttalǧan memlekettık şyǧarmaşylyq jäne sporttyq tapsyrys ıske asyryluda. Jobany ıske asyru bastalǧannan berı, iaǧni 3 jyl ışınde şyǧarmaşylyq tapsyrys boiynşa 26 myŋnan asa balany tegın şyǧarmaşylyq üiırmelerımen qamtuǧa mümkındık berıldı. Osy baǧytta biudjetten 10 milliardqa juyq qarjy bölındı. Qazır elordada şyǧarmaşylyq baǧyttardyŋ 50 türı boiynşa 713 üiırme bar. Oǧan 343 jetkızuşı qyzmet körsetedı.
Keşe Astana qalasy mäslihatynyŋ töraǧasy Erlan Kanalimovtyŋ töraǧalyǧymen ötken elorda mäslihatynyŋ kezektı sessiiasynda bırqatar maŋyzdy mäsele qaraldy. Sonyŋ negızgısı: memlekettık sporttyq jäne şyǧarmaşylyq tapsyrysty ıske asyru mäselelerı boiynşa qala äkımınıŋ orynbasary Eset Baiken baiandama jasady.
– Memleket basşysynyŋ tapsyrmasy boiynşa 2021 jyldan bastap elordada balalarǧa arnalǧan üiırmelerdıŋ qoljetımdılıgın qamtamasyz etuge baǧyttalǧan memlekettık şyǧarmaşylyq jäne sporttyq tapsyrys ıske asuda. Jobany ıske asyru bastalǧannan berı, iaǧni 3 jyl ışınde şyǧarmaşylyq tapsyrys boiynşa 26 myŋnan astam balany tegın şyǧarmaşylyq üiırmelerımen qamtuǧa mümkındık berıldı. Osy baǧytta biudjetten 10 milliardqa juyq qarjy bölındı. Qazır elordada şyǧarmaşylyq baǧyttardyŋ 50 türı boiynşa 713 üiırme bar. Oǧan 343 jetkızuşı qyzmet körsetedı, – dedı Eset Baiken.
Onyŋ aituynşa, memlekettık sporttyq tapsyrys aiasynda tegın üiırmelermen 26 myŋnan astam bala qamtyldy. Baǧdarlama bastalǧaly būǧan qala biudjetınen 11,7 mlrd teŋge bölındı. Qazır sporttyŋ 31 türı boiynşa 930 seksiia jūmys ısteidı, al qyzmettı jetkızuşıler sany – 337.
2021-2022 jyldary memlekettık şyǧarmaşylyq tapsyrys «Artsport» platformasynda jüzege asty. Ötken jyldan berı būl tapsyrys «Damu bala» platformasynda ıske asuda. Jalpy memlekettık şyǧarmaşylyq jäne sporttyq tapsyrysqa osy jyldyŋ jartyjyldyǧyna 8 mlrd teŋge bölındı. Būl qarjy 52 myŋ vaucherdı, iaǧni osynşama balany qamtuǧa baǧyttalǧan. Al jalpy biyl tiıstı jūmysqa qala biudjetınde 14 mlrd teŋge qarastyrylǧan.
Qala äkımınıŋ orynbasary aldynda būl baǧytta bırqatar mäsele tuyndaǧanyn, äkımdık olardy sättı şeşe bılgenın mälımdedı. Atap aitqanda, 2023 jylǧa deiın vaucherler tek qana «Artsport» platformasynda berıletın. Sol uaqytta qyzmettı jetkızuşı öte köp tapsyrys ornalastyryp, qala biudjetı ony kötermei qaldy. Tapsyrystar belgılengennen ekı ese asyp ketken. Soǧan qaramastan, qalalyq mäslihattyŋ qoldauymen qala äkımdıgı būl mäselenı şeştı. Sondai-aq vaucherler, qyzmettı jetkızuşıler boiynşa da problemalar tuyndaǧan. Olar da şeşıldı.
– Qazır elordadaǧy köşı-qon men säbilerdıŋ düniege kelu deŋgeiı barşaǧa belgılı. Baqytymyzǧa orai, jyl saiyn astanada 35 myŋnan astam bala tuady. Būǧan qosa, osynşama bala öŋırlerden köşıp keledı. Iаǧni ışkı köşı-qon jaqsy damyǧan. Biyl, mäselen, 1-synypqa 30 myŋnan astam bala qabyldaudy josparlap otyrmyz. Būdan būryn 20 myŋ bala alǧaş mektep tabaldyryǧyn attaityn. Sondyqtan memlekettık şyǧarmaşylyq jäne sporttyq tapsyrysqa sūranys odan saiyn artady dep boljap otyrmyz. Sol kezde biudjetten oǧan bölınetın qarjy da köbeiedı, – dedı Eset Baiken.
Onyŋ aituynşa, qazır derekterdı taldau jäne basqa aqparattyq jüielermen bırıktıru boiynşa qalalyq Sifrlandyru jäne memlekettık qyzmet basqarmasy, Dene şynyqtyru jäne sport basqarmasy, Mädeniet basqarmasy bırıgıp jūmys ıstep jatyr. Atap aitqanda, «Mindal», «İndigo» jäne özge de qosymşa bılımge qatysty platformalar «Damu bala» platformasymen bırıgedı.
– «Damu bala» platformasy qala äkımdıgınıŋ serverınde ornalasqan. Iаǧni äkımdıktıŋ mülkı, ondaǧy mälımetter eşqaida joǧalmaidy. Tiıstı ereje boiynşa bır balaǧa bır vaucher berıluı kerek. Qazır qalada bır balaǧa ekı vaucher berılgenı, iaǧni ol tegın ekı üiırmege barady degen äŋgıme aitylyp jatyr. Äleumettık şielenıs pen tūrǧyndardyŋ narazylyǧyn tudyrmas üşın qatardaǧy sportşylar men şyǧarmaşylyqpen ainalysatyn balalardan artyq vaucherlerdı alyp qoimadyq. Bıraq bolaşaqta aqparattyq jüieler bırıktırılgende, būl mäsele mūqiiat qadaǧalanady, – dedı äkım orynbasary.
Balalardyŋ tegın üiırmedegı sabaqqa naqty qatysuyn ata-analar elektrondy-sifrlyq qoltaŋbamen rastau kerek. Būl mäselede qyzmettı jetkızuşı men ata-analar özara kelısıp, jalǧan mälımet bergen jaǧdailar kezdesken. Iаǧni aqparattyq jüiede ötırık derekterdı engızuden qorǧaityn tetık joq.
Eset Baikennıŋ aituynşa, atalǧan mäselenı şeşu üşın tegın üiırme ǧimarattarynda mektepterdegıdei turniket ornatu mäselesı qarastyrylyp jatyr. Bıraq qyzmettı jetkızuşı şyǧyndanbaidy, tiıstı jūmys pen qarjyny moinyna alatyn investor ızdestırılude. Elorda äkımdıgı būl tarapta Qyzylorda oblysynyŋ täjıribesın zerttegen. Syr öŋırı osy baǧytta bır jyl ışınde 3 mlrd teŋgeden astam qarjyny ünemdegen.
– Syr öŋırınde jäne elordada tegın üiırmemen qamtylǧan balalardyŋ sany, ärine, säikes kelmeidı. Būl tarapta Astanada äldeqaida köp qarjy ünemdeledı dep boljauǧa bolady. Osy ünemdelgen qarjyny baǧdarlamaǧa qaita salyp, tegın üiırmelermen qamtylatyn balalardyŋ sanyn köbeituge bolady. Qyzmettı jetkızuşıler de köbırek tabys tauyp, jaŋa jūmys oryndaryn aşuǧa mümkındık alar edı, – dedı Eset Baiken.
Qala äkımınıŋ orynbasary memlekettık sporttyq tapsyrysty ıske asyru boiynşa kommunaldyq memlekettık mekeme qūru qajettıgı tuyndaǧanyn jetkızdı. Ötken jyly qala mäslihatynyŋ qoldauymen qalalyq Mädeniet basqarmasynyŋ janynan memlekettık şyǧarmaşylyq tapsyrysty ıske asyratyn osyndai mekeme aşylǧanyn baiandady. Būl direksiia tegın üiırmeler boiynşa qarjy operasiialaryn jürgızıp, sapany baqylaidy.
Astana qalasy mäslihatynyŋ deputaty, mäslihattyŋ äleumettık-mädeni damu mäselelerı jönındegı tūraqty komissiia müşesı Säule Samidin balalarǧa qosymşa bılım beru jäne sportqa beiımdeu mäselelerıne toqtaldy. Onyŋ mälımetınşe, Astana qalasynda qazır sportpen 50 myŋǧa juyq bala nemese olardyŋ jalpy sanynyŋ 15,9 paiyzy ainalysady. Sonyŋ 10,7 paiyzy «Artsport» platformasy arqyly tegın üiırmelerge barady. Deputat erekşe qajettılıgı bar balalarǧa vaucher beru mäselesın köterdı.
Qalalyq mäslihattyŋ basqa da deputattary memlekettık şyǧarmaşylyq jäne sporttyq tapsyrys mäselesıne öz közqarasyn bıldırıp, qala äkımınıŋ orynbasaryna sūraqtar qoidy, saualdaryna tiıstı jauaptar aldy.
