Elordada 19-21 qyrküiek künderı Tatarstan Respublikasynyŋ Astanadaǧy künderı ötedı. Osyǧan orai, Qazaqstan astanasyna resmi tūlǧalar, ıskerlık jäne bılım beru salalarynyŋ ökılderı bastaǧan delegasiiasy keledı dep habarlaidy Astana qalasy äkımı apparatynyŋ baspasöz qyzmetı.
Sapar barysynda qonaqtar qalanyŋ öndırıs oryndaryn aralap, biznes-forum jūmysyna qatysady. Sondai-aq, Qazaqstannyŋ tatar diasporasy ökılderımen kezdesedı.
Būǧan qosa, Beibıtşılık jäne kelısım saraiynda Tatarstan öner şeberlerınıŋ gala-konsertı, fotokörme jäne ūlttyq qolöner şeberlerınıŋ körmesı ūiymdastyrylady.
Būl künderı Astanada tatarlardyŋ ūlttyq meiramy Sabantoi toilanyp, şara barysynda Tatarstannyŋ öndırıstık jäne auylşaruaşylyq äleuetın körsetetın körmeler ūiymdastyrylady. Sabantoi kezınde küresten auyr salmaqta Qazaqstan chempionaty, sondai-aq, Qazaqstan men Tatarstan komandalary arasyndaǧy matchtyq kezdesu ötedı. Jauyry jerge timegen jeŋımpaz baluan jeŋıl kölıkke ie bolady. Toi barysynda būdan basqa, halyqtyq oiyndardyŋ 13 türınen jarystar ötkızıledı.
