«İnfraqūrylymdy damytudyŋ 2015-2019 jyldarǧa arnalǧan «Nūrly jol» memlekettık baǧdarlamasyn jüzege asyru maqsatynda QR Ūlttyq qorynan bölıngen qarajat qaida jūmsaluda? Ükımet aqşasyn maqsatty paidalanu mäselesın qozǧaǧan Astana qalasy mäslihatynyŋ deputattary men «Nūr Otan» partiiasynyŋ müşelerı reidke şyǧyp, memlekettık nesie alǧan käsıporyndardy aralady.
Komissiia ökılderı äuelı «Nūr-Saba» JŞS-ne taban tıredı. 2008 jyldan berı aǧaş jäne metall būiymdary öndırısımen ainalysatyn kompaniia üş jyl būryn kerektı qūrylǧylardy satyp alyp, käsıporyn ǧimaratyn jöndeuden ötkızu üşın 24 million teŋge kölemınde nesie alǧan.
Atalmyş kompaniia direktory Qairat İsimbekovtyŋ aituynşa, biznestı qoldau men damytuǧa baǧyttalǧan «Biznestıŋ jol kartasy – 2020» baǧdarlamasynyŋ arqasynda öndırıs kölemı 30 paiyzǧa artqan. Öitkenı nesie alǧanǧa deiın mūnda 6 adam ǧana jūmys ıstese, bügınde jūmysşylar sany ekı ese köbeiıptı. Qazırgı künı audany 906 şarşy metrdı qūraityn seh aumaǧy tügeldei igerılıp jatyr.
– Nesie jūmys önımdılıgın arttyru üşın ǧana berılmeidı. Qyzmetkerlerdıŋ eŋbek jaǧdaiyn da jaqsartu kerek. Ökınışke qarai, būl jerge qauıpsızdık tehnikasyn jäne tūrmys jaǧdaiyn älı de jetıldıru kerek, – dedı Astana qalasy mäslihatynyŋ deputaty Aman Aiupov.
Atap aitqanda, ǧimarattyŋ üşınşı qabatynda jataqhana boi kötergen. Ol jerde basqa qaladan kelgen jūmysşylar tūrady. Ailyq jūmysşynyŋ öndırgen eŋbek kölemıne bailanysty tölenedı. Jalaqy ortaşa eseppen 150 myŋ teŋgege jetedı eken.
Deputattar bas sūqqan kelesı nysan – «Proekt Montaj» JŞS. Käsıporyn ventiliasiialyq jüiege arnalǧan jeldetkış aua ötkızgışterı öndırısımen ainalysady.
Memleketten 129 mln 800 myŋ teŋgege nesie alǧan būl öndırıs orny avtomattandyrylǧan jüieler men tasymal qūraldaryn satyp aldy. «Jaŋa qūral-jabdyqtar jūmys önımdılıgın on esege ūlǧaitty» deidı käsıporyn jetekşısı Ūlan Arynbekov. Eŋbek naryǧynda 10 jyl jūmys ıstep kele jatqan olar köptegen qūrylys kompaniialarmen tyǧyz bailanys ornatqan. Käsıporynnyŋ negızgı tūtynuşylary – Astana qūrylysy.
Firma direktorynyŋ aituynşa, eŋbekaqy kölemı de ösken. Ortaşa alǧanda ailyq 160 myŋ teŋgenı qūraidy. Al, sehta qyzmet etetın bılıktı mamandar aiyna 300 myŋ teŋgege deiın tabys tabady.
– Bügın şaǧyn jäne orta biznestı damytu baǧdarlamasy aiasynda «Damu» qorynan nesie alǧan ekı nysanda boldyq. Qarajattyŋ qanşalyqty tiımdı jūmsalyp jatqanyn öz közımızben kördık. Käsıporyndar belgılı bır jetıstıkterge qol jetkızgenın baiqauǧa bolady. Bastysy, qyzmetkerlerdıŋ äleumettık jaǧdaiyn jıtı baqylap, nazarda ūstau qajet, – dep eskerttı komissiia töraǧasy, qalalyq mäslihattyŋ deputaty Saiat Batpenov.
Reid qorytyndysy boiynşa komissiia müşelerı anyqtalǧan mäselelerdı şeşu üşın öz ūsynystaryn jasady.
Aita keteiık, mūndai reid ai saiyn ötkızılıp tūrady.
Güldana TALǦATQYZY
