Ойын арқылы дамиды
Елордалық №2 «Батыр» балабақшасында «Ойын қызметі арқылы ерекше білім беру қажеттілігі бар балалармен түзету-дамытушылық жұмыс» тақырыбында қалалық семинар офлайн түрде өтті.
Семинарға ерекше білім беру бөлімінің маманы, білім беруді жаңғырту орталығының әдіскерлері, ПМПК мамандары, менеджмент және бизнес колледжі басшысының орынбасары, №26 мектеп-гимназиясының, №61 орта мектебінің директорлары, аудан бойынша мектепке дейінгі ұйымдардың кураторлары, логопед-дефектолог мамандары, мектепке дейінгі ұйымның педагогтары, арнайы білім беру педагогтары және Білім басқармасы мектепке дейінгі тәрбие және оқыту бөлімінің басшысы Айгүл Қайратқызы қатысты.
Іс-шара барысында «Пайдалы дәрумендер», «Орман дүкеніне саяхат», «Күзгі орманға саяхат» тақырыптарында кіріктірілген оқу қызметтері көрсетілді. Онда тәрбиеленушілер өз білімдерін, біліктері мен дағдыларын, ал педагогтар өздерінің кәсіби шеберлігін көрсетті.