Елордада «100 нақты қадам» Ұлт жоспарын іске асыру шеңберіндегі «Өрлеу» жобасы жалғасуда.
Бағдарлама қоғамдағы масылдықтың алдын алып, әлеуметтік көмек көрсету жүйесін жаңғыртуға бағытталған. Осылайша, жыл басынан бері 44 аз қамтылған астаналық отбасы (242 адам) ақшалай жәрдем алды. Жұмыспен қамту, еңбек және әлеуметтік қорғау басқармасының мәлімдеуінше, 2017 жылға дейін тағы 239 адамға әлеуметтік көмек көрсетіледі.
Сонымен бірге, жұмыспен қамту шаралары белсенді ұйымдастырылды. Соның аясында «Жұмыспен қамту жол картасы – 2020» бағдарламасына қатысатын 42 адам тұрақты жұмысқа орналастырылды.
