Жыл басынан бері Астана қаласы бойынша жалпы зейнетақы салымдары 794 890 теңгені құрайтын 120 есепшот иесі табылды.
«Әу баста мемлекеттік жинақтаушы зейнетақы қоры болғаны белгілі. Сол кезде көбісі келісімшартты жасамай, ай сайынғы жарнаны аудара берген. Артынан есепшотты ресми түрде ашқанда, реквизиттер ауысып кеткен. Ал, бұрынғы есепшоттар жабылған жоқ. Ондағы ақша да, үстінен түскен инвестициялық табыс та – бәрі-бәрі сақталды. Қазіргі кезде республика бойынша 495 мың есепшот иесі белгісіз болып тұр» деді Бірыңғай жинақтаушы зейнетақы қорының Астана қалалық филиалының салымшылармен жұмыс бөлімінің маманы Бақытжан Құлышева.
