Жаңалықтар

Субұрқақтар қауіпті ме?

Еліміздегі Санитариялық-эпидемиологиялық бақылау комитетінің мамандары субұрқақта шомылу жіті ішек инфекциясына, респираторлық инфекцияға әкелуі мүмкін екенін ескертеді.

[smartslider3 slider=3615]

Жалпы қаладағы субұрқақтардағы су шомылуға арналмаған. Оның құрамына денсаулыққа айтарлықтай зиян келтіретін түрлі химиялық заттар қосылады. Сол арқылы әр түрлі инфекцияларды жұқтыру қаупі бар. Мамандар жыл сайын жазда, мамырдан қыркүйек­ке дейінгі айларда, вирустық санитариялық-химиялық және бактериологиялық көрсеткіштердің бар-жоғын анықтау үшін су сынамаларын ала отырып, субұрқақ кешендеріндегі су сапасына мониторинг жүргізеді.

Бүгінгі таңда елімізде 643 субұрқақ бар, оның 318-і (49,4%) зертханалық бақылауға алынған. Биыл жыл басынан бері вирусологиялық көрсеткіштер бойынша 197 су сынамасы, бактериологиялық көрсеткіштерді анықтау үшін 76 су сынамасы және санитариялық-химиялық көрсеткіштер жөнінен 47 су сынамасы алынды. Сәйкес келмейтін сынамалардың негізгі көлемі (9,1%) вирусологиялық көрсеткіштер бойынша анықталған. Санитариялық-эпидемиологиялық бақылау комитеті өкілдері азаматтарды сақтық шараларын сақтауға шақырып, субұрқақтарда шомылудан аулақ болуға кеңес береді.

 Баян  АСЫЛБЕКОВА

Тағыда

Ұқсас жаңалықтар

Пікір үстеу

Э-пошта мекенжайыңыз жарияланбайды.

Back to top button