Елордалық Цифрландыру және мемлекеттік қызметтер басқармасының басшысы Ботагөз Қасабек көшпелі кеңес барысында қалалық мәслихат депутаттарына қаланы цифрландыру бойынша атқарылған жұмыстар және 2021 жылы іске асырылған басқа да IT-жобалар туралы айтты. Айта кету керек, әлеуметтік саланы автоматтандыру – қаланы цифрландырудың негізгі бағыттарының бірі.
«Бүгінде жұмыссыз азаматтарды қысқа мерзімді оқытуға өтінімдерді беру және қарау процесі автоматтандырылды. Бірегей QR-кодтарын сканерлеу арқылы қызметкердің жұмыс орнына баруын растау және тіркеу құралы әзірленді» деп хабарлады Ботагөз Қасабек.
Қазіргі уақытта Нұр-Сұлтанның барлық білім беру және денсаулық сақтау нысандары 100 пайыз бейнебақылау жүйесімен жабдықталған.
Елордалық медициналық ұйымдарда дәрігерлер есігіне QR-коды бар арнайы тақтайшалар орнатылды. №65 мектеп пен №2 мектептің аялдамасында ультракүлгін бактерицидті шамның көмегімен бактерияларды жоюға қабілетті ауаны автоматтандырылған иондау құралы орнатылған. Сонымен қатар жүйеде түтін датчигі және бейнебақылау камералары бар.
Биыл денсаулық жағдайы бойынша есепте тұрған тұлғаларға арналған QR-білезіктерді апробациялау іске қосылды. Қиын жағдайларда Damumed жүйесінен пациент туралы толық ақпарат шығатын «Smart Astana» мобильді қосымшасы арқылы білезіктегі QR-кодты сканерлеу қажет. Сондай-ақ сканерлеу кезінде сенімді тұлғаға геолокацияны көрсете отырып, қиын жағдай туралы sms-хабарлама келеді. Аталған қанатқақты жоба №15 емханада апробациядан өтуде, оған 140 QR-білезік берілді.
Биыл қыркүйек айында Оқушылар сарайында Tanym креативті технологиялар орталығы ашылды. Оның негізгі міндеті – сандық технологияларға, шығармашылыққа және бағдарламалауды үйренуге бағдарлау.
«Қазіргі уақытта Нұр-Сұлтанда байланыс деңгейін арттыру үшін 12 антенна-діңгек тіректері орнатылды. Бұл күндері «Қазақтелеком» АҚ-пен бірлесіп, үйге сымсыз интернет FWA (Fixed Wireless Access) технологиясын алғаш рет енгізді. Бұл Damumed талшықты-оптикалық байланыс желілерімен жабылмаған жерлерде қолданылатын 4G негізіндегі технология. Базалық стансаларды орнату «Оңтүстік-шығыс» ауданында басталды. Нұр-Сұлтан аумағында FWA орнату жұмыстары жалғасады» деп қосты спикер.
Сонымен қатар елорданың инновациялық әлеуетін дамыту үшін биыл Birge ортақ идеяларына арналған платформа іске қосылды. Платформа тұрғындарға қала тіршілігінің барлық бағыттары бойынша идеялар ұсынуға мүмкіндік береді. Цифрлық жобаны birge-elorda.kz сілтемесі бойынша ЭЦҚ кілті арқылы пайдалануға болады.
Сонымен қатар қатаң санитарлық нормаларды сақтай отырып, IT-шаралар жүйелі түрде өткізіліп тұрады. 2021 жылы республикалық STEM-олимпиада, Digital Bridge-де «Smart City» панельдік сессиясы, IT-кеңестің 4 кездесуі өткізілді. Кеңес құрылған сәттен бастап барлығы 50-ге жуық IT-шешім қаралды.
Елорданың цифрлық қосарлануы бойынша Нұр-Сұлтан қаласының геоақпараттық орталығын құру орындалды. Елорданың көлемі 801 км2 жер учаскесі 1 пиксельге 3 см-ге дейінгі дәлдікпен цифрландырылды. Қаланың рельефі мен рельефінің цифрлық модельдері толығымен салынды, құрылыс бөлігінің 100 пайызы 2D және 3D модельдері салынды. 16000 км астам инженерлік желілер цифрландырылды. Инженерлік-геодезиялық жұмыстардың қорытындылары бойынша 144000-ға жуық магистралдық және кварталішілік желілер құдығы түсірілді. Сондай-ақ жер қатынастары, сәулет және қала құрылысы бөлігінде ішкі процестер автоматтандырылды.
Кездесу соңында депутаттар әр жоба бойынша нақты сұрақтар қойды. Сондай-ақ пандемия кезінде мемлекеттік қызметтерді автоматтандырудың және тұрғындардың қауіпсіздігін қамтамасыз етудің маңыздылығын атап өтті.
