Халық арасындағы тұмау ауруы эпидемиялық деңгей шегінен аспайтын эпидемияаралық мерзімде спорадикалық, яғни бірен-саран сипатта болады. Респираторлық жұқпаның 80 пайызын парагрипп, аденовирустар, сол сияқты тұмау жұқпалары құрайды.
Респираторлық жұқпалардың этиологиясында аурушаңдық шегінен бірнеше мәрте артқан кезінде ел экономикасына және адам денсаулығына зиян келтіретін тұмау вирусы басым болып, аурушаңдықтың өршуіне әкеледі. Тұмау вирусының мутацияға түсу мүмкіндігін, ал оның планетарлық көлемдегі эпидемияға – бүкіл жер жүзі адамдарының жаппай ауруы қаупіне әкелетінін ғалымдар дәлелдеген. Қазіргі таңда пандемиялық тұмау ауруы әлемнің түкпір-түкпірінде орын алған.
Астана қаласының Халықаралық әуежайы еліміздің астанасына кіретін қақпа болып табылады. Апта сайын аумақ бойынша халықаралық рейстермен 7800-ден артық әуежолаушылар, олардың ішінде 2000-ы аса қауіпті және карантиндік жұқпа сияқты аурушаңдықтар бойынша қолайсыз Оңтүстік-Шығыс Азия елдерінен келеді.
Пандемиялық тұмаудың алдын алу үшін Денсаулық сақтау министрлігі Мемлекеттік санитариялық-эпидемиологиялық қадағалау комитетінің Көліктегі департаменті мыналарды ескертеді: пандемиялық тұмау тіркелген жақын және алыс шетелдерге баруға мүмкіндігінше шектеу қойыңыз. Егер шетелге бара қалған жағдайда ЖРВИ ұқсас клиникалық белгілерге (дене қызуының жоғарылауы, тамақ ауруы, жөтел, мұрынның бітелуі) назар аударыңыз. Сізді денсаулығыңыз мазалайтын болса, дәрігермен кеңесіңіз. Ауру адамдармен жақын қарым-қатынас жасамаңыз. Қолыңызды сабынмен жиі жуып отырыңыз немесе құрамында спирті бар сұйықтықпен сүртіңіз. Бөлмені және үйдегі ортақ пайдаланатын жайды жақсылап желдетіңіз. Клиникалық белгілер пайда болған жағдайда біржолғы бетперделерді пайдаланыңыз және оларды екінші рет пайдаланбаңыз. Туыстармен және достармен қарым-қатынасқа мүмкіндігінше шектеу қою қажет. Шетелден келген соң жедел медициналық қызмет алу үшін денсаулық жағдайыңызды нашарлататын белгілердің бар-жоғын қадағалаңыз.
Дария ӘЗІМБАЕВА,
ҚР ДСМ МСЭҚК Көліктегі Департаментінің Астана қаласы халықаралық әуежайы СКП бастығы
