ҰЛТ МҮДДЕСІ ЕСКЕРІЛУІ КЕРЕК
Сенат төрағасы Қасым-Жомарт Тоқаев жаңа латын әліпби бойынша қоғам ұсыныстарын ұлттық комиссия ескеруі қажет деп есептейді.
Бұл туралы Сенат төрағасы өзінің Tуиттердегі парақшасында «Ұлттық комиссия латын әліпбиі бойынша қоғам талқылауындағы мардымды ұсыныстарды ескеруі қажет» деп жазды.
Оның пікірінше, Елбасы айтқандай, латын әліпбиін қолданысқа енгізуді кезең-кезеңімен іске асырған жөн.
Қасым-Жомарт Тоқаевтың пікірі халық арасында тұтастай қолдау тауып, қоғамның қызу талқысына түсті. Оны жазбаның астына қалдырылған комментарийлерден байқауға болады. Түркияның Мимар Синан көркем өнер университетінің профессоры, шоқайтанушы Әбдуақап Қара «Өте дұрыс, мың жасаңыз. Қажетті түзетулер жасалса қандай тамаша болар еді» деп пікір қалдырса, Qabzhan Shormanuly есімді қолданушы «асығыстық керек емес» дей келе, Сенат төрағасының пікірін қолдайтынын білдірді.
Ал Amanzhan AlshinQazaq деген әлеуметтік желі қолданушысы Ахмет Байтұрсынұлының «төте жазуы» деп аталған әліпби қазақ тілі үшін қолайлы екендігін, төл дыбыстарымызды сақтап қалатынын жеткізді.
Оның пікірінше, Елбасы айтқандай, латын әліпбиін қолданысқа енгізуді кезең-кезеңімен іске асырған жөн.
Гүлдана ТАЛҒАТҚЫЗЫ