Наурыз мерекесі күні елордалық полиция қызметкерлері шағын қазақ ауылында ұлттық тағамдар әзірлеп, салт-дәстүрді дәріптеді.
«Киіз үйдің ішіндегі бұйымдар – қолдан жасалған туындылар. Осы мұралардың барлығын біздің әжелеріміз жинап, ұрпақтан ұрпаққа жеткізіп, сабақтастырып отырған. Ата-бабамыздан келе жатқан салт-дәстүрді ұмытпау – біздің парызымыз» дейді Мемлекеттік тіл және ақпарат бөлімінің маманы Гүлжан Мұхамедина.
Наурыз тойын атап өтуге келген қызметкерлер қазақтың ертеден келе жатқан салтының бірі – тұсаукесер рәсімін тамашалады. Астана қаласы ІІД Кадр жұмысы басқармасы бастығының орынбасары Рустам Калин тамаша мерекенің бүгінде барлық қалаларда кеңінен аталып өтіп жатқанын айтты. «Бұл мерекенің кереметтілігі сонда, еліміздегі достық пен бейбітшілікті нығайта түседі. Ұлыс оң, ақ мол болсын!» деп батасын берді ол.
Мереке соңы елордалық полиция қызметкерлерінің концерттік бағдарламасына ұласты.
