Шаһар шежіресі
Зауыт жоқ, өнім бар
1972 жылдың қараша айында Целиноград қаласындағы сүт комбинатының ірімшік-май цехында үлкен қуанышты оқиға болды.
Осы цехтың төрт бірдей жұмысшысы, атап айтқанда, Күләш Жалмағанбетова, Нина Чиркова, С.Бойко және А.Бауэр социалистік міндеттемелерін асыра орындап, облыстық атқару комитетінің құрмет грамотасы мен бағалы сыйлығына ие болды.
Суретте сол еңбек озаттарының бірі – Күләш Жалмағанбетова.
Ал қазір – нарық заманы. Қалада бұрынғы сүт-май зауыты болмағанмен, сары май, қаймақ, ірімшік, құрт сияқты тамақ өнімдерін шағын және орта бизнес кәсіпкерлері өндіруде.