Жақсы жұмыс табу – үлкен жетістік
Адамның денсаулығы нашарлаған кезде жұмыс іздеуі қиынға түседі. Жылдар бойы төрт қабырғаға қамалып уақыт өткізуіне тура келеді. Кәсіби дайындық арқылы қандай мамандықтарды алуға болады? Осы мәселе төңірегінде Нұр-Сұлтан қалалық жұмыспен қамту орталығы директорының орынбасары Алтынай Қосыбаевадан сұрап білдік. – Мүмкіндігі шектеулі жандарға жұмыс табуға кезең-кезеңімен кеңес бере аласыз ба? Қайда бару керек, кімге хабарласу керек?
– Сіз бос жұмыс орындарын электронды еңбек биржасында, яғни Еңбек және халықты әлеуметтік қорғау министрлігінің сайтында көре аласыз. Оның мекенжайы enbek.kz. Сондай-ақ сонда резюме орналастыра аласыз, «жеке кабинет» ашып, жұмыс берушілермен байланыс жасай аласыз. Тағы бір нұсқасы – Бейбітшілік көшесі, 25 үйдегі әкімдіктің жұмыспен қамту орталығына хабарласу, осы санаттағы азаматтарды жұмыспен қамтамасыз ететін бөлім бар. Жеке кезек бар. Мамандар жұмыс күндері 8.30-дан 18.00-ге дейін, (түскі үзіліс 13.00-ден 14.00-ге дейін) жұмыс істейді.
Электрондық үкімет egov.kz порталы арқылы жұмыс іздеуші ретінде тіркелуге болады. Бұл мәліметтер бізге келеді, сондықтан өтініш беруші осы мәртебені алады. Содан кейін біз шақырамыз, сөйлесеміз. Бірақ адаммен көзбе-көз қарым-қатынас жасау жақсы. Бұл қандай вакансияны ұсыну, профильдеу жүргізу туралы ойлану үшін қажет.
– Енді жұмыс мүмкіндіктері туралы сөйлесейік. Мұнда жұмыс іздеушілерге қандай бос жұмыс орындарын ұсына алады?
– Бұл олардың денсаулық жағдайына қарай қандай жұмыс жасай алатындығына байланысты болады. Біздің жұмыс іздеушілерді құрылыс материалдары дүкенінде көмекші ретінде, ірі компаниядағы call- орталығының операторлары, азаматтарға арналған мемлекеттік корпорацияның, жұмыспен қамту орталығының қызметкерлері етіп орналастырады. Бос жұмыс орындарына келетін болсақ, нақты бөлу жоқ.
Жыл басынан бері мүмкіндігі шектеулі 849 адам жұмыссыздықтан әлеуметтік қорғау шараларымен қамтылды. Оның ішінде 719 адам жұмысқа орналастырылды (оның ішінде: тұрақты жұмысқа – 416 адам, уақытша жұмысқа – 3 адам, жастар тәжірибесіне – 17 адам, әлеуметтік жұмыс орындарына – 33 адам, қоғамдық жұмысқа 249 адам жіберілді). Қысқа мерзімді оқытуға 48 адам жіберілді.
Аспаздықтан бастап анимациялық өңдеуге дейін
– Курстарда қандай мамандықтар оқытылады? Олар қай уақытқа жоспарланған және ниет білдірушілерді қабылдау қалай жүзеге асырылады?
– Бұл – электромонтер, аспазшы, тігінші, бағалаушы, массажшы, кондитер, тәрбиеші, киберқауіпсіздік маманы, веб-дизайнер, сондай-ақ анимация және видеограф сияқты мамандықтар. Тізімде сондай-ақ есепші, шаштараз, слесарь-сантехник, краншы, электрик мамандықтары да бар.
Кәсіби білім алуға ниет білдірушілер кез келген уақытта келе алады. Сондықтан жоғары сұранысқа ие мамандық алуға ниет білдірушілерді қабылдау үнемі жүргізіледі. Курстардан белгілі бір ма-
мандығы жоқ немесе өз кәсібін өзгерткісі келген тұрғындар өте алады. Олар жарты жылға дейін оқып, стипендия алады. Курстар барлық келушілерге арналған, бірақ мүмкіндігі шектеулі адамдарға басымдық беріледі. Оқыту еңбек нарығында сұранысқа ие мамандықтар бойынша жүргізіледі. Біз осыдан бастаймыз.
Арнайы квота қарастырылған
– Бұл мамандықтарды кім таңдайды?
– Оларды Қазақстан Республикасы Еңбек және халықты әлеуметтік қорғау министрлігі анықтайды және кім жаттықтыратыны ұжымдық түрде шешіледі. Бұған Кәсіпкерлер палатасы мен елорда әкімдігінің өкілдері қатысуда.
– Жұмыс берушілер тарапынан мүгедектігі бар адамдарды жұмысқа орналастыруға көмек көрсету дайындығына байланысты жағдай өзгере ме?
– «Жұмыспен қамту туралы» заңда әрбір жұмыс беруші, кәсіпорынның меншік нысанына қарамастан, егер штат 50 адамнан асатын болса, мүгедектерге квота бойынша жұмыс орындарын құруға міндетті дейді. Елордаға келетін болсақ, егер ұйымда 50-ден 100 адамға дейінгі қызметкерлер саны болса, онда жұмыс орындарының 2%-ы, 101-ден 250 -3%-ға дейін, 250-ден жоғары және одан жоғары 4% болуы керек. Сондай-ақ жұмыс беруші Жұмыспен қамту орталығына бос жұмыс орындары туралы ақпарат беруі керек.
Біз апта сайын жұмыс берушілермен тек осы тақырыпта – мүмкіндігі шектеулі адамдарды жұмысқа орналастыру бойынша кездесулер өткіземіз. Бірден бас тартуға себеп іздейтіндер бар. Бірақ бірден жауап беретіндер де баршылық. Менің ойымша, жағдай жақсы жаққа өзгеруде.
Еңбек жөніндегі стандарттар
– Денсаулық сақтау және әлеуметтік даму министрінің бұйрығымен 2016 жылдан бастап жұмыс орнын ұйымдастырудың арнайы стандарттары қабылданды. Жұмыс берушілер оларды ескере ме?
– Кез келген ғимаратта мүгедектер үшін қолжетімділік стандарттары бар. Пандус, лифт, тактильді тақтайшаның болуы міндетті. Кез келген ғимарат иесі осы жағдайларды қамтамасыз етуі керек. Сондай-ақ «Мүгедектерге арналған арнайы жұмыс» бағдарламасы бар. Егер жұмыс беруші мүгедектігі бар адамды жалдағысы келсе, ол өзіне арнайы жұмыс орнын ұйымдастыра алады. Арнайы коляскаға реттейтін эргономикалық үстелді, осы қызметкерге ғана жарамды жабдықты, Брайль пернетақтасы бар компьютерді және осы шрифтпен басып шығаруға арналған принтерді сатып алады. Мүгедектер арбасына қанша орын болу керектігін анықтайтын стандарттар да бар.
Жұмыс беруші қажетті жабдықты сатып алғанын растайтын құжаттарды көрсетеді және біз оған жұмсалған ақшаны қайтарамыз. Мүгедектігі бар адам бұл ұйымда бір жыл жұмыс істейтін болады. Егер ол кетсе, біз басқа кандидатураны ұсынамыз.
– Олар ұзақ жұмыс істей ме?
– Бұл әртүрлі жолмен болады. Өмір болған соң көп нәрсе өзгеріп отырады.
– Жұмыспен қамту орталығының қызметкерлері әлеуметтік кәсіпкерлермен бірге ме?
– Қазір әлеуметтік кәсіпкерлікті дамытудың жаңа толқыны тұр. Мен оларды көп деп айта алмаймын, бірақ бар. Бұл әлеуметтік шеберхананың негізін қалаушы Эмин Аскеров пен Ардақ Отарбаев, олар арбаларды жөндейтін қызмет көрсету орнын ашқан. Көру қабілеті нашар адамдар зағип жандарға арналған кітапханада жұмыс істейді. Біз әлеуметтік кәсіпкерлермен ынтымақтасамыз, өтініш берушілерді жібереміз.