Әлеумет
Әлеуметтік әлсіз топтарға жан-жақты қолдау бар
– Әлеуметтік жағынан аз қамтылған отбасылардың балалары мен жетім балалар мемлекет тарапынан қорғалады. Жалпы, қоғам да оларға немқұрайлы қарамайды. Мүмкіндігі барлар осындай отбасыларға барынша көмектесуге тырысады. Мәселен, мұндай санаттағы отбасыларға «Нұр Отан» партиясы мен елорда кәсіпорындары және жекелеген кәсіпкерлер де қол ұшын береді.
Әрбір мектеп те әлеуметтік жағынан аз қамтылған отбасылардың балаларына және ата-анасынан айырылған балаларға міндетті түрде көмек көрсетеді. Біздің мектепте осындай санаттағы екі бала оқиды. Олар мектеп бюджеті есебінен тегін тамақпен толық қамтамасыз етіледі. Сонымен қатар «мектепке барамыз» шарасы аясында кеңсе заттары мен мектеп және спорттық киім, аяқ киім сатып алынады.