Amanat پارتياسى قالالىق فيليالىنىڭ كەزەكتەن تىس XXXIII كونفەرەنتسياسى ءوتتى.
كۇن تارتىبىندە Amanat پارتياسىنىڭ ساياسي تۇعىرناماسى جوباسىن تالقىلاۋ جانە Amanat پارتياسىنىڭ كەزەكتەن تىس XXIV سەزىنە دەلەگاتتار سايلاۋ ماسەلەلەرى قارالعان بۇل كونفەرەنتسياعا Amanat پارتياسى استانا قالالىق فيليالىنىڭ توراعاسى التاي كولگىنوۆ, ەلوردالىق فيليالدىڭ اتقارۋشى حاتشىسى بەرىك جاكەنوۆ, قوعامدىق كەڭەس توراعاسى زۋلفۋحار عايىپوۆ, استانا قالاسى ماسليحاتىنداعى Amanat پارتياسى فراكتسياسىنىڭ جەتەكشىسى ازامات ايتحوجين جانە قالالىق ماسليحاتتاعى دەپۋتاتتىق فراكتسياسىنىڭ مۇشەلەرى, باستاۋىش پارتيا ۇيىمدارىنىڭ توراعالارى مەن قالا اكىمدىگىنىڭ بولىمدەرى قاتىستى.
كونفەرەنتسيانى باسقارىپ, جۇرگىزگەن ەلوردا اكىمى التاي كولگىنوۆ ساياسي تۇعىرناما جوباسىنىڭ ماڭىزدىلىعىن اتاپ ءوتتى. «جاڭا ساياسي تۇعىرناما پارتيا مۇشەلەرى, دەپۋتاتتار, ساراپشىلار, عىلىمي جانە شىعارماشىلىق زيالى قاۋىم وكىلدەرى, ازاماتتىق بەلسەندىلەر قاتىسىپ ناۋرىز ايىنان بەرى بىرلەسە تالقىلاپ, پىكىرتالاستىڭ ناتيجەسىندە قايتا قۇراستىرىلعان. جاڭا تۇعىرناما «ءاربىر ادام لايىقتى ءبىلىم مەن مەديتسينالىق كومەك الۋعا, جەكە قاۋىپسىزدىگىنىڭ قورعالۋىنا, ىڭعايلى الەۋمەتتىك ورتا مەن جايلى ۇيدە تۇرۋعا قۇقىلى» دەگەن قاعيدانى ۇستانادى. تۇعىرناما مەملەكەت باسشىسى قاسىم-جومارت توقاەۆتىڭ جاڭا ادىلەتتى قازاقستان قۇرۋ جولىنداعى بارلىق باستامالارىن, بەرەكە-بىرلىكپەن, شىنايى نيەتپەن, بىرلەسە ىسكە اسىرۋدىڭ قۇرالى بولارى ءسوزسىز» دەدى قالا اكىمى.
استانا قالاسى قوعامدىق كەڭەسىنىڭ مۇشەسى مۇحتار ەركەتاەۆ Amanat پارتياسىنىڭ ساياسي تۇعىرناما جوباسىنىڭ باستى ماڭىزىنا توقتالىپ بىلاي دەدى: «تۇعىرناما ءۇش نارسەنى ارقاۋ ەتتى. ول ادام – قوعام – مەملەكەت قاعيداتى. وسى ءۇش ماسەلە – حالىقتىڭ قاجەتىن شەشەتىن ەڭ ماڭىزدى پلاتفورما. بۇل – «حالىق ۇنىنە قۇلاق اساتىن مەملەكەتتىڭ» باستى ۇستانىمى. ءبىز بۇگىنگى كۇنى حالىقتىڭ قۇقىعىن قورعاپ, ادام قۇقىعىن ءبىرىنشى ورىنعا قويساق قانا جاڭا ادىلەتتى قازاقستان قۇرىپ شىعا الامىز. بۇگىن ساياسي پلاتفورمانى تالقىلادىق, دەلەگاتتاردى سايلادىق. داۋىس بەرگەن دەلەگاتتار ەل ءۇمىتىن اقتايدى دەگەن سەنىمدەمىن».
كونفەرەنتسيا سوڭىندا داۋىسقا سالۋ ناتيجەسىندە, كونفەرەنتسياعا قاتىسۋشىلاردان 130 دەلەگات سايلاندى.
