زاڭ بويىنشا جەكە تۇرعىن ءۇي قۇرىلىسىنا 10 سوتىق جەردىڭ تەگىن بەرىلۋى: اڭىز با, الدە شىندىق پا؟ بۇل سۇراقتى ءاربىر قازاقستاندىق, مەگاپوليستىڭ نەمەسە اۋىلدىڭ, وبلىس نەمەسە اۋدان ورتالىعىنىڭ ءاربىر ازاماتى قويادى. مۇنىڭ ءبارى جەر قاتىناستارى سالاسىنداعى ءتيىمسىز ساياساتتىڭ, اۆانتيۋريستەر مەن پوپۋليستەردىڭ جانە جەر قاتىناستارى سالاسىنداعى جاعدايدى وسىنداي كۇيگە جەتكىزگەن مەملەكەتتىك باسقارۋداعى ايقىن سىبايلاس جەمقورلاردىڭ ويلاستىرىلماعان قادامدارىنىڭ ارقاسىندا وسىلاي بولىپ وتىر
جەكە تۇرعىن ءۇي قۇرىلىسىنا بەرىلەتىن 10 سوتىق جەر ماسەلە وسىنى راستاپ وتىر! بۇكىل ەل بويىنشا كەزەكتە تۇرعانداردىڭ تىزىمىندە 3 ميلليوننان استام ادام تۇرادى جانە بۇكىل ەل بويىنشا كەزەكتە تۇرعاندار سانى ءالى دە كوبەيەتىن بولادى. پروبلەماعا ءمان بەرمەۋ جانە ونى جىلدار بويى شەشپەۋ وڭاي نارسە, از دا بولسا العا قادامدار جاساۋ قيىنىراق, وسىلايشا ادامداردىڭ سەنىمىن, شەنەۋنىكتەردىڭ جەر رەفورماسىنا دەگەن وسىنداي كوزقاراسى بۇزعان حالىقتىڭ سەنىمىن بىرتىندەپ قالپىنا كەلتىرۋ كەرەك.
ءبىز جاعدايدان شىعۋىمىز كەرەك, حالىق بىزگە قاراپ وتىر, حالىق ناقتى رەفورمالار, ناقتى وزگەرىستەر, ەلدە ناقتى قايتا قۇرۋلار بولعانىن قالايدى. جەر كودەكسىنىڭ 44-1-بابىنىڭ 8-تارماعىنا سايكەس, جەكە تۇرعىن ءۇي قۇرىلىسىنا بەرىلەتىن 10 سوتىق جەر ارنايى ەسەپكە الۋ (كەزەك) ارقىلى بەرىلەدى جانە الاڭداردىڭ دايىن بولۋىنا قاراي نە بوس اۋماقتار بار بولعان كەزدە قاناعاتتاندىرىلادى. ال ينجەنەرلىك الاڭدار سۋمەن جانە ەلەكترمەن جابدىقتاۋ جەلىلەرىمەن قامتاماسىز ەتىلۋى ءتيىس.
وسىعان بايلانىستى, پارلامەنت ءماجىلىسىنىڭ دەپۋتاتى رەتىندە, جەر قۇقىعى سالاسىنداعى ساراپشى رەتىندە, «جەر اماناتى» رەسپۋبليكالىق جەر كوميسسياسى باسشىسىنىڭ ورىنباسارى رەتىندە مىنالاردى ۇسىنامىن:
بىرىنشىدەن, ءبىز جتق جوسپارلاناتىن اۋماقتا سۋ جانە ەلەكترمەن جابدىقتاۋ جەلىلەرىنىڭ قۇرىلىسىن قارجىلاندىرۋعا بالاما ەنگىزۋىمىز كەرەك جانە مۇنى بيۋدجەتتەن تىس قورلار ەسەبىنەن, مەملەكەتتىك-جەكەشەلىك ارىپتەستىك تەتىگىن ىسكە قوسۋ, جەكە ينۆەستورلاردى تارتۋ جولىمەن جاساۋدى ۇسىنامىن. ال جەكە ينۆەستورلاردى تارتۋدى ىنتالاندىرۋ ءۇشىن ينۆەستورلارعا ەلەكتر ەنەرگياسىن بەرۋ جانە بەرىلەتىن ەلەكتر ەنەرگياسىنىڭ تاريفتەرىن رەتتەۋ قۇقىعىن بەرۋ مۇمكىندىگىن كوزدەۋ قاجەت.
ۇكىمەتتىك دەڭگەيدە جتق-نى قارجىلاندىرۋ مەن سالۋدىڭ مەملەكەتتىك باعدارلاماسىن ازىرلەۋ پەرسپەكتيۆالارىن پىسىقتاۋدى, قازاقستان رەسپۋبليكاسى ۇكىمەتىنىڭ كەپىلدىگى, قازاقستان رەسپۋبليكاسى ۇكىمەتىنىڭ نەمەسە قازاقستان رەسپۋبليكاسى ۇلتتىق بانكىنىڭ ارنايى بورىشتىق مىندەتتەمەلەرىن شىعارۋ شارتتارىندا سۋمەن جانە ەلەكترمەن جابدىقتاۋ جەلىلەرىن قارجىلاندىرۋ جانە سالۋ ءۇشىن ەكىنشى دەڭگەيدەگى كوممەرتسيالىق بانكتەردى, كوممەرتسيالىق قۇرىلىس سالۋشىلاردى تارتۋدى ۇسىنامىن.
ەكىنشىدەن, ءبىز قارجىلىق سەبەپتەرگە بايلانىستى جەردى ۋاقتىلى يگەرە المايتىن جانە تۇرعىن ءۇي ىرگەتاسىن سالۋ فاكتىسى بولعان كەزدە جالداۋ شارتىن ۇزارتۋدىڭ زاڭدى مۇمكىندىگىمەن 3 جىلدان 5 جىلعا دەيىن جەكە تۇرعىن ءۇي ۋچاسكەسىن يگەرۋ مەرزىمىن ۇزارتا المايتىن قاراپايىم ازاماتتاردى قولداۋىمىز كەرەك.
ۇشىنشىدەن, ءبىز جەرگىلىكتى اتقارۋشى ورگاننىڭ لاۋازىمدى ادامدارىن بەكىتىلگەن باس جوسپارلار مەن ەگجەي-تەگجەيلى جوسپارلاۋ جوباسىنا ءتيىستى تۇزەتۋلەرمەن جتق ءۇشىن ەلدى مەكەننىڭ بوس اۋماقتارىن رەزەرۆكە قويۋدى جانە وعان نەمقۇرايلى قاراعانى ءۇشىن زاڭدى جاۋاپتىلىقتى قاتاڭداتۋدى زاڭنامالىق تۇرعىدان مىندەتتەۋىمىز كەرەك.
تورتىنشىدەن, اۋىلدىق ەلدى مەكەندەردە وتەۋسىز نەگىزدە جەكە قوسالقى شارۋاشىلىققا جەر ۋچاسكەلەرىن بەرۋ كەزىندە سىبايلاس جەمقورلىق تاۋەكەلدەرىن بولدىرماۋ ءۇشىن اۋىلدىق ەلدى مەكەندەردە وتەۋسىز نەگىزدە جقش ء(ۇي-جاي ۋچاسكەلەرى) جۇرگىزۋ ءۇشىن جەر ۋچاسكەلەرىن بەرۋ كەزەكتىلىگىن (ارنايى ەسەپكە الۋدى) ەنگىزۋدى جانە كەزەكسىز جقش جەر ۋچاسكەسىن بەرۋگە تىيىم سالۋدى بەلگىلەۋدى ۇسىنامىن.
بەسىنشىدەن, جەر ۋچاسكەلەرىنىڭ نىسانالى ماقساتىن وزگەرتۋدىڭ قولجەتىمدى مۇمكىندىگى بار جەكە تۇرعىن ءۇي قۇرىلىسى ءۇشىن دايىندالعان جانە قۇرىلىس پارامەترلەرى بويىنشا ءتيىستى باۋ-باقشا جانە ساياجاي كووپەراتيۆتەرىن اۋداندارعا اۋىستىرۋدى قامتاماسىز ەتۋ ءۇشىن قالالاردىڭ باس جوسپارلارىن تۇزەتىپ, بيۋدجەتتىك قارجىلاندىرا وتىرىپ كەزەڭ-كەزەڭمەن ءىس-شارالار ازىرلەۋ.
التىنشىدان, تومەن پايىزدىق مولشەرلەمەمەن, كرەديتتى يكەمدى وتەۋدىڭ 10 جىلدىق مەرزىمىمەن جانە كرەديت شارتىن ۇزارتۋ مۇمكىندىگىمەن جەكە تۇرعىن ءۇي سالۋ ءۇشىن ەكىنشى دەڭگەيدەگى بانكتەردە الەۋمەتتىك باعدارلانعان كرەديت باعدارلاماسىن ازىرلەۋدى ۇسىنامىن. وسى ماقساتتار ءۇشىن ارنايى كرەديتتىك قارجى ينستيتۋتىن قۇرۋدىڭ ماڭىزدىلىعى زور بولار ەدى.
جەتىنشى, باس پروكۋراتۋرا جتق-عا جەر ۋچاسكەسىن الۋ كەزەگىن جۇرگىزۋ بويىنشا كورسەتىلەتىن قىزمەتتى بەرۋشىلەردىڭ تىزىمىنەن الماتى, شىمكەنت جانە استانا قالالارى الىپ تاستالعان قيسىنسىز جاعدايدىڭ ءمان-جايىن انىقتاۋعا ءتيىس. پروكۋرورلار مەن جەر رەسۋرستارىن باسقارۋ كوميتەتىنەن وسى قالالاردا جتق-عا جەر ۋچاسكەلەرىن ءارتۇرلى سىلتاۋلارمەن كەزەكسىز بەرۋدىڭ كوپتەگەن فاكتىلەرىن تۇسىندىرۋلەرىن تالاپ ەتەمىز.
باقىتجان بازاربەك,
ءماجىلىس دەپۋتاتى
