20 قىركۇيەكتە استانا اكىمدىگىنىڭ الدىنداعى الاڭدا اۋىل شارۋاشىلىعى جارمەڭكەسى وتەدى. بيىل جارمەڭكەگە العاشقى بولىپ جەتىسۋ وڭىرىنەن 450 توننا ءونىم جەتكىزىلمەك.

استانا قالاسىنىڭ تىلدەردى دامىتۋ باسقارماسى قازاقستان حالقى تىلدەرىنىڭ ءحVى قالالىق فەستيۆالى اياسىندا 16 قىركۇيەك كۇنى ساعات 16.00-دە «ستۋدەنتتىك» ساياباقتا «كەمەل ءتىلدىڭ كەلەشەگى» جاستار اكتسياسىن وتكىزەدى. اتالعان اكتسيا بارىسىندا جوعارى وقۋ ورىندارىنىڭ ستۋدەنتتەرى فلەش-موب ۇسىنادى. مارجان اراپباەۆا, يبراگيم ەسكەندىروۆ, جاڭاباي وتەگەنوۆ جانە «ۇماي» توبى ءان شىرقايدى, «ارت-دومبىرا» اسپاپتىق تريوسى, كتك (كۆن) چەمپيوندارى «دەمەۋشىمىز – بولاشاق» كومانداسى ونەر كورسەتەدى. جاستار كەشىن شوۋمەن نۇربولحان شاراپوۆ جۇرگىزەدى.