قالالىق كوممۋنيكاتسيالار قىزمەتى الاڭىندا وتكەن ءباسپاسوز ءماسليحاتى بارىسىندا استانا قالاسىنىڭ جۇمىسپەن قامتۋ جانە الەۋمەتتىك قورعاۋ باسقارماسى باسشىسىنىڭ ورىنباسارى ەرلان ءجۇسىپوۆ پەن ەلوردالىق جۇمىسپەن قامتۋ ورتالىعى ديرەكتورىنىڭ ورىنباسارى ءسابيت جامانباەۆ وتكەن جىلعى جۇمىسقا ورنالاستىرۋ قورىتىندىلارى مەن 2023 جىلعا ارنالعان جوسپارلار تۋرالى ايتىپ بەردى.
– ەلوردا اكىمدىگىنىڭ باسىم مىندەتىنىڭ ءبىرى – جۇمىسسىز ازاماتتاردى جۇمىسپەن قامتۋ. جالپى, ەلوردانىڭ ەڭبەك نارىعىنداعى جاعداي تۇراقتى جانە قاتاڭ باقىلاۋدا. جۇمىسسىزدىق دەڭگەيى – 4,5%, بۇل كورسەتكىش رەسپۋبليكالىق كورسەتكىشتەن 0,3%-عا تومەن, – دەدى ەرلان ءجۇسىپوۆ.
سونىمەن قاتار, باسقارما باسشىسىنىڭ ورىنباسارى كاسىپكەرلىكتى دامىتۋ جونىندەگى ۇلتتىق جوبانىڭ بەلسەندى ىسكە اسىرىلىپ جاتقانىن جەتكىزدى.
– 40513 جاڭا جۇمىس ورنى, ونىڭ ىشىندە 35981 تۇراقتى ورىن قۇرىلدى. ۇلتتىق جوبالاردى ىسكە اسىرۋ اياسىندا استانا قالاسى بويىنشا 14211 جاڭا جۇمىس ورنى قۇرىلدى, جوسپار بويىنشا 14180 ورىن قۇرۋ كوزدەلگەن بولاتىن. جۇمىسسىز ازاماتتار مەن جۇمىسپەن قامتىلماعان حالىقتى جۇمىسقا ورنالاستىرۋ مۇمكىندىگىن كەڭەيتۋ ماقساتىندا 62 بوس ورىندار جارمەڭكەسى وتكىزىلدى, – دەدى ەرلان ءجۇسىپوۆ.
كاسىپكەرلىكتى دامىتۋ جونىندەگى ۇلتتىق جوبانى ىسكە اسىرۋ شەڭبەرىندە 2022 جىلى جۇمىسپەن قامتۋعا جاردەمدەسۋ شارالارىمەن 27,5 مىڭنان استام ادام, ونىڭ ىشىندە 17,9 مىڭ جاس قامتىلدى. اتاپ ايتساق, 12,4 مىڭ ادام جۇمىسقا ورنالاستىرىلدى, ونىڭ ىشىندە تۇراقتى جۇمىس ورنىنا 8362 ادام ورنالاستىرىلدى. ولاردىڭ 3407-ءسى – جاستار.
وتكەن جىلى 40513 جاڭا جۇمىس ورنى, ونىڭ ىشىندە 35981 تۇراقتى ورىن قۇرىلدى. ۇلتتىق جوبالاردى ىسكە اسىرۋ اياسىندا استانا قالاسى بويىنشا 14211 جاڭا جۇمىس ورنى قۇرىلدى, جوسپار بويىنشا 14180 ورىن قۇرۋ كوزدەلگەن بولاتىن
جاڭا بيزنەس-يدەيالاردى ىسكە اسىرۋ ءۇشىن 350 ادامعا گرانت بەرىلدى. جۇمىس بەرۋشىلەردىڭ سۇرانىسى بويىنشا 172 ادام, ونىڭ ىشىندە 26 جاس كاسىپتىك وقىتۋدان ءوتتى. «بيزنەس باستاۋ» جوباسى بويىنشا 4320 ادام, 2255 جاس ءبىلىمىن جەتىلدىردى. سونىمەن بىرگە enbek.kz پلاتفورماسىندا داعدىلارعا ونلاين وقىتۋ جۇرگىزىلدى, وسى ءىس-شاراعا 598 ادام قاتىستى, ولاردىڭ 196-سى – جاستار.
قالالىق جۇمىسپەن قامتۋ ورتالىعى ديرەكتورىنىڭ ورىنباسارى ءسابيت جامانباەۆتىڭ ايتۋىنشا, 2022 جىلدان باستاپ «جاستار پراكتيكاسى», «العاشقى جۇمىس ورنى» جانە «ۇرپاقتار كەلىسىمشارتى» جوبالارىنا قاتىسۋشىلار جالاقىسىنىڭ مولشەرى 30 اەك-كە دەيىن ارتتى. سونىمەن قاتار, 2023 جىلى جۇمىسپەن قامتۋ شارالارىمەن ەلوردانىڭ 24 مىڭنان استام تۇرعىنىن, ونىڭ ىشىندە جاستار اراسىنان 16,5 مىڭنان استام ادامدى قامتۋ جوسپارلانىپ وتىر.
– جۇمىسسىز ازاماتتار مەن جۇمىسپەن قامتىلماعان حالىقتى جۇمىسقا ورنالاستىرۋ مۇمكىندىگىن كەڭەيتۋ ماقساتىندا 62 بوس جۇمىس ورىندار جارمەڭكەسى وتكىزىلدى. جاستار مەن حالىقتىڭ الەۋمەتتىك وسال توپتارى ءۇشىن جاڭا بيزنەس-يدەيالاردى ىسكە اسىرۋعا ارنالعان گرانت مولشەرى 400 اەك-كە دەيىن, ياعني 1,2 ملن تەڭگەگە دەيىن ۇلعايتىلدى, – دەدى ءسابيت جامانباەۆ.
اعىمداعى جىلى جۇمىسپەن قامتۋ شارالارىمەن 24 مىڭعا جۋىق ادامدى, ونىڭ ىشىندە 16,5 مىڭنان استام جاستى قامتۋ جوسپارلانۋدا. الداعى جىلى 55 مىڭنان استامدى, ونىڭ ىشىندە 10,3 مىڭىن ۇلتتىق جوبالار شەڭبەرىندە جۇمىسپەن قامتۋ كوزدەلىپ وتىر.
استانا قالاسى جۇمىسپەن قامتۋ ورتالىعى ديرەكتورى ورىنباسارىنىڭ ايتۋىنشا, 2023 جىلعا قالا حالقىن جۇمىسپەن قامتۋ ورتالىعى جاستارعا جىلدىق 2,5%-بەن 5 ملن تەڭگەگە دەيىن شاعىن نەسيە بەرۋدىڭ جاڭا تەتىگىن ەنگىزۋدى جوسپارلاپ وتىر.
جاستارعا جىلدىق 2,5%-بەن شاعىن نەسيە بەرۋ ماقساتىندا 562 ادامعا 2,8 ملرد تەڭگە قاراستىرىلعان. ميكروكرەديت مەرزىمى – 5 جىلعا دەيىن, ەڭ جوعارى سوما – 5 ميلليون تەڭگەگە دەيىن; نومينالدى سىياقى مولشەرلەمەسى – جىلدىق 2,5 پايىزدان اسپايدى
– جاستارعا جىلدىق 2,5%-بەن شاعىن نەسيە بەرۋ ماقساتىندا 562 ادامعا 2,8 ملرد تەڭگە قاراستىرىلعان. ولاردىڭ شارتى تومەندەگىدەي: ميكروكرەديت مەرزىمى – 5 جىلعا دەيىن, مال شارۋاشىلىعى سالاسىنداعى جوبالار ءۇشىن ميكروكرەديت مەرزىمى – 7 جىلعا دەيىن; ەڭ جوعارى سوما – 5 ميلليون تەڭگەگە دەيىن; نومينالدى سىياقى مولشەرلەمەسى – جىلدىق 2,5 پايىزدان اسپايدى; كەپىلمەن قامتاماسىز ەتۋدىڭ بولۋى; نەگىزگى بورىش پەن سىياقىنى وتەۋ بويىنشا جەڭىلدىكتى كەزەڭ ميكروكرەديتتەۋ مەرزىمىنىڭ ۇزاقتىعىنىڭ 1/3 اسپايتىن بولىگىن قۇرايدى جانە قازاقستان رەسپۋبليكاسىنىڭ سالىق زاڭناماسىنا سايكەس سالىق ورگاندارىندا تىركەۋدىڭ بولۋى شارت, – دەدى ديرەكتوردىڭ ورىنباسارى.
سونداي-اق, ەلوردادا كاسىبي بىلىكتىلىكتى تانۋعا ارنالعان ءبىر رەتتىك ۆاۋچەرلەر ۇسىنىلاتىن بولادى. كاسىپتەر بويىنشا كاسىپتىك بىلىكتىلىكتى تانۋ قۇنى: الەۋمەتتىك-گۋمانيتارلىق بەيىن – 43 ادام ءۇشىن 3 اەك (10350 تەڭگە) جانە تەحنيكالىق بەيىن – 18 ادام ءۇشىن 7 اەك (24150 تەڭگە).
– جاڭا بيزنەس-يدەيالاردى ىسكە اسىرۋ ءۇشىن وتەۋسىز گرانتتار الۋدىڭ ءبىرىنشى اعىمىنا وتىنىمدەردى قابىلداۋ اعىمداعى جىلدىڭ 20 اقپانىندا باستالعانىن اتاپ وتكىم كەلەدى. ءراسىم business.enbek.kz پورتالى ارقىلى ونلاين رەجيمدە ءتورت كەزەڭدە جۇزەگە اسىرىلادى, اعىمداعى جىلى حالىقتىڭ الەۋمەتتىك وسال توپتارىنىڭ ىشىنەن 132 ازامات ءۇشىن گرانت كوزدەلگەن, – دەدى ءسابيت جامانباەۆ.
ول جۇمىس ىزدەۋشىلەر ءۇشىن دە, جۇمىس بەرۋشىلەر ءۇشىن دە كورسەتىلگەن بارلىق بەلسەندى جۇمىسپەن قامتۋ شارالارى enbek.kz ەلەكتروندىق ەڭبەك بيرجاسىنىڭ پورتالىندا قولجەتىمدى.
– پورتالدا ىزدەنۋشىلەر جۇمىس ىزدەپ جۇرگەن ادام رەتىندە دەربەس تىركەلە الادى, جۇمىسپەن قامتۋدىڭ بەلسەندى شارالارىنا جولداما الادى جانە تۇراقتى جۇمىس ورنىنا جۇمىسقا ورنالاسۋ ءۇشىن بوس جۇمىس ورنىن قاراي الادى. سونداي-اق, جۇمىس بەرۋشىلەر وسى پورتالدا حالىقتى جۇمىسپەن قامتۋ ورتالىعىنا جۇگىنبەي, بوس جۇمىس ورنىن ورنالاستىرا الادى, – دەدى ديرەكتوردىڭ ورىنباسارى.
ءباسپاسوز ءماسليحاتى بارىسىندا استانا قالاسى جۇمىسپەن قامتۋ جانە الەۋمەتتىك قورعاۋ باسقارماسى باسشىسىنىڭ ورىنباسارى ەرلان ءجۇسىپوۆ ەلوردادا دەنساۋلىق ساقتاۋ, ءبىلىم بەرۋ, قارجى, قۇرىلىس جانە ءوندىرىس سالالارىندا كادر تاپشىلىعى بايقالاتىنىن, اسىرەسە استانالىقتار اراسىندا سۇرانىسقا يە ماماندىقتاردىڭ ىشىندە IT-سالاسىنىڭ, كوممۋنالدىق جانە كولىك سالاسىنىڭ قىزمەتكەرلەرىن اتاپ ءوتتى.
استانالىقتار بارلىق قاجەتتى اقپاراتتى استانا قالاسى اكىمدىگىنىڭ czn.kz حالىقتى جۇمىسپەن قامتۋ ورتالىعىنىڭ رەسمي سايتىنان, سونداي-اق الەۋمەتتىك جەلىلەردەگى Instagram – czn_astana, Facebook – @nursultanczn, Telegram – czn_nursultan رەسمي پاراقشالار ارقىلى تابا الادى.
بايلانىس ورتالىعىنىڭ نومىرلەرى: 249-634, 249-664.
