استانا قالاسى ىشكى ىستەر دەپارتامەنتى جەرگىلىكتى پوليتسيا باسقارماسىنىڭ تابيعاتتى قورعاۋ پوليتسياسىنىڭ قىزمەتكەرلەرى جەكە جانە زاڭدى تۇلعالاردىڭ قالا اۋماعىن تازا ۇستاۋ ەرەجەسىن بۇزۋ دەرەكتەرىن انىقتاۋ ماقساتىندا تەكسەرۋ جۇمىستارىن تۇراقتى جۇرگىزىپ كەلەدى.
پوليتسيا قىزمەتكەرلەرى بيىلعى جىلدىڭ باسىنان بەرى جۇك تاسۋشى اۆتوكولىكتەرىنىڭ 22 جۇرگىزۋشىسىنە جالپى سوماسى 800 مىڭنان استام تەڭگە كولەمىندە, 4 زاڭدى تۇلعاعا جالپى سوماسى 200 000 تەڭگە كولەمىندە ايىپپۇل سالىپ, ولاردى اكىمشىلىك جاۋاپكەرشىلىككە تارتتى. ماسەلەن, ج.ناجىمەدەنوۆ جانە ش.قالداياقوۆ كوشەلەرىنىڭ ماڭىنداعى «شابىت» سارايىنىڭ ارتىنا قۇرىلىس قوقىسىن تاستاعان «گازەل» اۆتوكولىگىنىڭ جۇرگىزۋشىسى ۇستالىپ, وعان 42 420 تەڭگە مولشەرىندە ايىپپۇل سالىندى.
قر «اكىمشىلىك قۇقىق بۇزۋشىلىق تۋرالى» زاڭىنىڭ 505-بابىنا سايكەس, قالا اۋماعىن اباتتاندىرۋ قاعيدالارىن بۇزعانى ءۇشىن ەسكەرتۋ جاساۋعا نەمەسە جەكە تۇلعالارعا – 20, شاعىن كاسiپكەرلiك سۋبەكتiلەرiنە نەمەسە كوممەرتسيالىق ەمەس ۇيىمدارعا 30 ايلىق ەسەپتىك كورسەتكىش مولشەرىندە ايىپپۇل سالۋعا اكەپ سوعادى.
وسى باپتىڭ بiرiنشi بولiگiندە كوزدەلگەن, اكىمشىلىك جازا قولدانىلعاننان كەيiن بiر جىل iشiندە قايتالاپ جاسالعان ارەكەتتەر بولسا, وندا ايىپپۇل كولەمى ءوسىپ, جەكە تۇلعالارعا – 30, شاعىن كاسiپكەرلiك سۋبەكتiلەرiنە نەمەسە كوممەرتسيالىق ەمەس ۇيىمدارعا 40 ايلىق ەسەپتىك كورسەتكىش كولەمىندە ايىپپۇل سالىناتىنىن ەستەرىڭىزگە سالامىز.
قىمبات توقتامۇرات
