ءىىد جەرگىلىكتى پوليتسيا قىزمەتىنىڭ تابيعاتتى قورعاۋ پوليتسياسى ەلوردا اۋماعىندا تەكسەرىس شاراسىن جۇرگىزۋدە. قالامىزدىڭ كەلبەتىنە كىر كەلتىرىپ, اۋماعىن قار مەن مۇزدان تازارتپاعاندارعا 17 404 410 تەڭگە ايىپپۇل سالىندى.
تابيعاتتى قورعاۋ ءبولىمىنىڭ ينسپەكتورلارى اۋدان اكىمدىكتەرىمەن بىرلەسىپ, قۇرىلىس وبەكتىلەرىنىڭ ءبىرىنشى قاباتىنا, پيك, وك, جەكە سەكتورلاردىڭ ىرگەلەس اۋماقتارىنىڭ تازالىعىن تەكسەرۋ ماقساتىندا رەيدتىك ءىس-شارا وتكىزدى. مۇنداي قادامعا بارۋدىڭ وزىندىك سەبەبى بار. سەبەبى كوپشىلىك ءجيى باراتىن قوعامدىق ورىنداردىڭ ماڭايى قالىڭ قاردان كوز اشپايدى. جەكە بيزنەسىن جۇرگىزىپ وتىرعان كەيبىر كاسىپكەرلەر ءوز ىسىنە سالعىرت قاراپ, اينالاسىن تازارتۋعا اسىعار ەمەس. دەر كەزىندە جۇرگىزىلمەگەن تازالىق جۇمىستارىنىڭ سوڭى جاۋاپكەرشىلىككە اكەلەدى.
ماسەلەن, جەڭىس داڭعىلىندا ورنالاسقان ءدامحانانىڭ ىرگەلەس اۋماعىنداعى مۇز دەر كەزىندە تازارتىلماعانى ءۇشىن جەكە كاسىپكەر اكىمشىلىك جاۋاپكەرشىلىككە تارتىلدى.
وعان قولدانىستاعى زاڭ شەڭبەرىندە 30 اەك, ياعني 63 630 تەڭگە كولەمىندە ايىپپۇل سالىندى. سونداي-اق, باۋىرجان مومىشۇلى, 21 مەكەنجايىندا ورنالاسقان «تۇران» مەيرامحاناسىنىڭ ىرگەلەس اۋماعىنداعى ۇيىلگەن قار ءۇشىن جەكە كاسىپكەر 63 630 تەڭگە ايىپپۇل تولەۋگە ءماجبۇر.
جۋىردا عانا ەلوردا اكىمىنىڭ «قوعامدىق باقىلاۋ » سايتىنا قالا تۇرعىنى حابارلاسىپ, سارىارقا اۋدانىندا ءوزى تۇراتىن كوشەگە قىزمەت كورسەتەتىن «پيك» جۇمىسىن سىنعا العان ەدى. تابيعاتتى قورعاۋ پوليتسياسى جۇرگىزگەن تەكسەرىس شارالارىنىڭ ءناتيجەسىندە ولقىلىقتىڭ ورنى تولدى. انىقتالعان جايتتاردىڭ نەگىزىندە «پيك» مەكەمەسىنە 84 840 تەڭگە ايىپپۇل سالىندى.
جالپى, رەيد كەزىندە مەكەمەلەردىڭ ىرگەلەس اۋماقتارىندا قار مەن مۇزداردىڭ ۋاقىتىلى تازارتىلماعانى ءۇشىن قر اقبتك 505-بابى بويىنشا جاۋاپكەرشىلىككە تارتىلعان 380 زاڭدى تۇلعا تىركەلىپ, 17 404 410 تەڭگەگە ايىپپۇل سالىندى. ىرگەلەس اۋماقتاردا قار مەن مۇزدى تازارتۋعا 1800-دەن استام كەپىلدەمە تىركەلدى.
گۇلميرا ايماعانبەت
