الەۋمەت ساۋالى

باسپالداق  ءبۇلىنىپ ءبىتتى

دميتري:
– سالەمەتسىز بە! پەتروۆ كوشەسى, 17- ءۇي­دىڭ 6-كىرەبەرىسىندەگى باسپالداقتىڭ ءمۇجىلىپ جاتقانىن ايتىپ, وسىمەن ەكىنشى قايتارا حابارلاسىپ وتىرمىن.

«كاسكاد» پاتەر يەلەرى كووپەراتيۆى:
– قۇرمەتتى دميتري! ءسىزدىڭ ماسەلەڭىز بويىن­شا پەتروۆ كوشەسىندەگى 17-ءۇيدىڭ اۋلاسىنا تەكسەرىس جۇرگىزىلدى. تەكسەرىس بارىسىندا باسپالداقتىڭ بۇلىنگەنى انىقتالىپ, قالپىنا كەلتىرۋ جۇمىس­تارى جاسالدى. قالا ومىرىنە بەلسەندى ارالاسقانىڭىز ءۇشىن راقمەت!

قىزىل سۋدىڭ استىندا قالدىق

گلوريا مارتين:
– ءدال قازىر وڭتۇستىك-شىعىس تۇرعىن الابىنداعى قۇمكەنت كوشەسىندە نە بولىپ جاتقانىن كورىڭىزدەر. سۋ باسىپ جاتىر. بىراق مۇندا ەشكىمنىڭ شارۋاسى جوق قوي دەيمىن؟

iKomek قالالىق مونيتورينگ جانە جەدەل ارەكەت ەتۋ ورتالىعى:
– بۇل ماسەلە بويىنشا سۋدى سورۋ تەحنيكالارى جۇمىلدىرىلىپ, ءتيىس جۇمىستار جۇرگىزىلدى.

ءۇيدىڭ «قابىرعاسىن» جەل جۇلىپ كەتتى

ZARINARAZBEKOVA87:
– سالەمەتسىز بە! قاتتى جەل تۇرىپ, ە 30 كوشەسىندەگى 5 ءۇيدىڭ, ياعني «اققۋ» تۇرعىن ءۇي كەشەنىنىڭ ءبىر قابىرعاسىنىڭ سىرتقى قاباتىن ۇشىرىپ اكەتتى. ونىڭ ادامداردىڭ باسىنا تۇسپەگەنىنە شۇكىر. بىراق العاشقىسىندا ساپاسىز ىستەلگەندىكتەن, بۇل جەردى ەكىنشى قايتارا جوندەپ جاتىر.

ەسىل اۋدانى اكىمدىگى:
– قۇرمەتتى ZARINARAZBEKOVA87! ءسىزدىڭ ەسكەرتۋىڭىز بويىنشا جۇمىس جۇرگىزىلدى. فوتوماتەريال ۇسىنىلادى. قالا ومىرىنە بەلسەندى ارالاسقانىڭىز ءۇشىن العىس بىلدىرەمىز!

كىمنىڭ ۇستىنە قۇلايدى ەكەن؟

RUBANOVAKATYA:
– قايىرلى كۇن! ءار وتكەن سايىن «باعانادا ءىلىنىپ, سالاقتاپ تۇرعان وسى «ويۋ» قاشان, كىمنىڭ ۇستىنە قۇلايدى ەكەن»؟ دەپ وتەمىن. بۇل «ەكسپو»-عا قاراما قارسى باعىتتاعى ماڭگىلىك ەل داڭعىلىنىڭ بو­يىندا تۇر. وسىعان ءبىر شارا قولدانۋلارىڭىزدى سۇرايمىن.

ەسىل اۋدانى اكىمدىگى:
– قۇرمەتتى RUBANOVAKATYA! ءسىزدىڭ ەسكەرتۋىڭىز بويىنشا رەتكە كەلتىرۋ جۇمىسى جۇرگىزىلدى. فوتوماتەريال ۇسىنىلادى. قالا تىرشىلىگىنە قوسقان ۇلەسىڭىز ءۇشىن العىس بىلدىرەمىز!

شودىرايعان سىنتەمىرلەر قاۋىپتى

IUSTINIYA POLICHSHUK:
– قايىرلى كۇن! ەسىل اۋدانى اكىمدىگىنىڭ نازارىنا! پريگورودنىي تۇرعىن الابىنداعى فۋتبول الاڭى مەن بالالار الاڭدارىندا سىنتەمىرلەر قالاي بولسا سولاي شودىرايىپ جاتىر. الاڭدار تۋرا №24 مەكتەپتىڭ جانىندا ورنالاسقان. مۇنىڭ الدىن الماسا, ءتىپتى قايعىلى جاعدايعا اكەپ سوقتىرۋى مۇمكىن. بۇگىن مەنىڭ كوز الدىمدا بىرنەشە بالا وسى سىنتەمىرلەرگە ءسۇرىنىپ جىعىلدى. بالالار ءۇشىن الاڭدايمىن. وسىعان شارا قولدانۋلارىڭىزدى وتىنەمىن.

ەسىل اۋدانى اكىمدىگى:
– قۇرمەتتى IUSTINIYA POLICHSHUK! ءسىزدىڭ ەسكەرتۋىڭىز بويىنشا ەسىل اۋدانى اكىمدىگى اباتتاندىرۋ ءبولىمىنىڭ ماماندارى №24 مەكتەپتىڭ ماڭىنداعى الاڭداردى ارنايى بارىپ تەكسەردى. تەكسەرىس بارىسىندا بۇلىنگەن جەرلەر رەتكە كەلتىرىلدى. فوتوماتەريال ۇسىنىلادى. بەلسەندىلىگىڭىز ءۇشىن راقمەت!

قالانىڭ قاق ورتاسى – قوقىس

ZHALOBY_ASTANA:
– مۇنداي قوقىس قالانىڭ قاق ورتاسىندا قالاي تاپ بولدى ەكەن؟ ءتىپتى ايتارعا ءسوزىم جوق. بۇل قوقىس ءۇيىندىسى جۇماباەۆ داڭعىلىنىڭ بويىندا, ايناكول كوشەسىنىڭ بۇرىشىندا جاتىر.

الماتى اۋدانى اكىمدىگى:
– قۇرمەتتى قالا تۇرعىنى! ماعجان جۇماباەۆ داڭعىلى مەن ايناكول كوشەسىنىڭ قيىلىسىنداعى بۇل جەرگە مەردىگەر ۇيىمدار تازالىق شارالارىن جۇرگىزىپ, قوقىس ءۇيىندىسى جينالىپ الىندى. نازارىڭىزعا فوتوماتەريالدى ۇسىنامىز. قالا ومىرىنە بەلسەندى ارالاسقانىڭىز ءۇشىن العىس بىلدىرەمىز!

دەرەكتەر iKomek قالالىق  مونيتورينگ جانە جەدەل ارەكەت ەتۋ ورتالىعىنان ىرىكتەلىپ الىندى.