رەسپۋبليكا ايماقتارىندا مەملەكەتتىك دامۋ ينستيتۋتتارىمەن تەڭ دارەجەدە جوعارى تەحنولوگيا مەن قارجى رەسۋرستارىنا قولجەتىمدىلىكتى قالىپتاستىرۋ ارقىلى شاعىن جانە ورتا بيزنەستىڭ دامۋىن قولداۋ, جاڭا كاسىپورىندار مەن جۇمىس ورىندارىن اشۋ, نارىقتاعى تاۋارلار مەن قىزمەتتەردىڭ تۇرلەنۋى قازاقستاندا اكك قۇرۋعا سەبەپ بولدى.
شاعىن جانە ورتا بيزنەستى دامىتۋ تۇرعىنداردىڭ الەۋمەتتىك جاعدايىن جاقسارتىپ, باسىم بولىگىن جۇمىسپەن قامتۋدىڭ نەگىزى بولىپ تابىلادى.
قازىرگى ۋاقىتتا ەلىمىزدە وندىرىلەتىن تاۋارلار مەن قىزمەتتەردىڭ سانى مەن ساپاسىن ارتتىرۋعا, مەنەدجمەنت دەڭگەيىن جوعارىلاتۋعا باعىتتالعان ءىس-شارالار كەشەنىن جۇرگىزۋ قاجەت بولىپ وتىر. بۇل باعىتتا, دامىعان مەملەكەتتەردىڭ تاجىريبەسى كورسەتكەندەي, كاسىپكەرلىكتى دامىتۋ ارقىلى جاڭا جۇمىس ورىندارىن اشۋ, نارىقتا وتاندىق تاۋارلار مەن قىزمەتتەر ۇلەسىن ارتتىرۋ, شارۋاشىلىق سۋبەكتىلەردىڭ يننوۆاتسيالىق بەلسەندىلىگىن جوعارىلاتۋ مەملەكەتتىڭ قاتىسۋىنسىز جۇزەگە اسىرۋ مۇمكىن ەمەس.
وسىعان وراي, 2010 جىلدىڭ 19 قازانىندا ەلوردانى الەۋمەتتىك-ەكونوميكالىق دامىتۋدىڭ نەگىزگى باسىمدىقتارى نازارعا الىنىپ, استانا قالاسى اكىمدىگىنىڭ جانىندا «Astana» الەۋمەتتىك-كاسىپكەرلىك كورپوراتسياسى» اق (بۇدان ءارى – «Astana» اكك» اق) وڭىرلىك دامىتۋ ينستيتۋتى قۇرىلدى.
«Astana» اكك» اق نەگىزگى قىزمەتى مەملەكەتتىك-جەكە ارىپتەستىك قاعيداتتارى بويىنشا قالا ەكونوميكاسىنا ينۆەستيتسيا تارتۋ, ينۆەستيتسيالىق جوبالاردى جۇزەگە اسىرۋ جانە تۇسكەن پايدانى الەۋمەتتىك جوبالارعا باعىتتاۋ بويىنشا استانا قالاسىنىڭ اكىمدىگى مەن ونىڭ قۇرىلىمدىق بولىمشەلەرىمەن تىعىز بايلانىستا كاسىپكەرلىك قىزمەت نەگىزىندە قالانى دامىتۋعا جاردەمدەسۋگە باعىتتالعان.
«اstana» اكك» اق استانا قالاسىندا جەرگىلىكتى دەڭگەيدەگى جالعىز ۇلتتىق كومپانيا. قوعام قىزمەتى قازاقستان رەسپۋبليكاسىنىڭ ۇكىمەتى قويعان ستراتەگيالىق ماقساتتار مەن مىندەتتەرگە سايكەس جۇزەگە اسىرىلادى.
ورتا كاسىپكەرلىكپەن سەرىكتەستىك باعىتىندا كورپوراتسيانىڭ دامۋى استانا قالاسىن يندۋستريالدى-يننوۆاتسيالىق دامىتۋدى قولعا الۋمەن تىكەلەي بايلانىستى. اكك جەكە كاسىپكەرلىكپەن ىنتىماقتاستىعى مەملەكەتتىك اكتيۆتەر مەن كاسىپكەرلىك باستامانى شوعىرلاندىرۋ نەگىزىندە استانا قالاسىن الەۋمەتتىك-ەكونوميكالىق دامىتۋ باسىمدىقتارىن ەسكەرە وتىرىپ, باسەكەگە قابىلەتتى, ەكسپورتقا باعدارلانعان وندىرىستەردى دامىتۋدى كوزدەيدى.
«اstana» اكك» اق استانا قالاسىندا ازىق-تۇلىك قاۋىپسىزدىگىن قامتاماسىز ەتۋ; اۋىل شارۋاشىلىق ونىمدەرىن ءوندىرۋ, قايتا وڭدەۋ, ساقتاۋ جانە ساتۋ, شاعىن جانە ورتا بيزنەستى دامىتۋ; كولىك ينفراقۇرىلىمىن قۇرۋ, ەلوردانىڭ تۇرعىن-ءۇي-كوممۋنالدىق شارۋاشىلىعىن جاڭعىرتۋ, ماشينا قۇرۋ سياقتى ەكونوميكا سالالارىن دامىتۋعا ات سالىسۋدا.
«اstana» اكك ءوز قىزمەتىندە ستراتەگيالىق دامۋدىڭ كەلەسىدەي نەگىزگى باعىتتارىن انىقتاعان
• استانا قالاسىنىڭ ازىق-تۇلىك قاۋىپسىزدىگىن قامتاماسىز ەتۋ;
• ورتا جانە شاعىن بيزنەستى قولداۋ مەن ىنتالاندىرۋ;
• اكتيۆتەردى باسقارۋ جۇيەسىنىڭ تيىمدىلىگىن ارتتىرۋ;
• قوعامدى كورپوراتيۆتى باسقارۋ ساپاسىن جوعارىلاتۋ;
«اstana» اكك اق الدىنا قويعان مىندەتتەردى جۇزەگە اسىرۋ ارقىلى استانا قالاسىندا جوعارى تابىستى قورجىندى باسقاراتىن جانە ايماقتاعى كاسىپكەرلەردى ەكونوميكالىق بەلسەندىلىككە ىنتالاندىراتىن قارقىندى دامۋعا بەت العان ينۆەستيتسيالىق كومپانيا رەتىندە دامۋدى جوسپارلاپ وتىر.
«اstana» الەۋمەتتىك-كاسىپكەرلىك كورپوراتسياسى» اق جوبالىق ءارى كورپوراتيۆتىك باسقارۋدىڭ ەڭ ۇزدىك ۇلگىسىن ۇستاناتىن بولادى.
ايگۇل كامانوۆا,
«Astana» اكك» اق
ءباسپاسوز قىزمەتىنىڭ جەتەكشىسى
