پاريجدە «ەكسپو-2017»-ءنىڭ جەڭىمپاز قالاسى رەتىندە استانانىڭ العاشقى تانىستىرىلىمى ءوتتى.
ايتۋلى شارادا كورمەگە بايلانىستى مەملەكەتتىك كوميسسييا جانە ۇلتتىق كومپانيانىڭ قۇرىلۋى مەن ولاردىڭ مىندەتتەرى, جوبانى قارجىلاندىرۋ ماسەلەسى, حالىقارا-لىق قاتىسۋشى ەلدەرمەن جۇمىس ءجۇرگىزۋ بويىنشا ءىس-شارالار كەشەنى جانە كورمەنى وتكىزگەننەن كەيىنگى ەكسپو نىساندارىن پايدالانۋ جوسپارى باياندالدى.
استانادا وقۋشى قىز ءوز-وزىنە قول سالماق بولىپ, كوپىردەن سەكىرگەن.
پاترۋلدىك پوليتسيا پولكى كاۆالەريالىق روتاسىنىڭ ءتارتىپ ساقشىلارى كەزەكشىلىكتى اتقارۋ بارىسىندا سارايشىق كوشەسىندەگى كوپىردەن قىز بالانىڭ سۋعا سەكىرگەنىن كورگەن. پوليتسيا اعا سەرجانتى ايبەك عاپپاروۆ ونىڭ سوڭىنان سەكىرىپ, قىزدى جاعاعا الىپ شىققان. ارىپتەسى بەركىمبەك سەيدۋاليەۆ ەكەۋى جەدەل جاردەم جەتكەنشە قىزعا العاشقى مەديتسينالىق كومەك كورسەتكەن. «بەل جانە مويىن ومىرتقالارىنىڭ جاراقاتى» دياگنوزىمەن اۋرۋحانادا ەمدەلگەن قىز بۇگىندە اتا-اناسىنىڭ قاراۋىندا.
استانا قالاسىنىڭ كاسسالارىندا Pussycat Dolls توبىنىڭ ەڭ بەلدى مۇشەسى, تانىمال امەريكالىق ءانشى نيكول شەرزينگەر قاتىساتىن تۇنگى بي كەشىنە بيلەتتەر ساتىلا باستادى.
«سارىارقا» ۆەلوترەگىندە وتەتىن «اسقاقتاي بەر, استانا!» اتتى مەرەكەلىك كەشتە لۋينا, ءالي وقاپوۆ, Assyl ەتنو-توبى, «ارناۋ» دۋەتى, Son Pascal, K-Rim, ا-ستۋديو, ديسكوتەكا اۆاريا, پوتاپ پەن ناستيا سىندى ونەر جۇلدىزدارى ەڭ تانىمال تۋىندىلارىن ورىندايدى.
ەپيدەميولوگيالىق قاداعالاۋ ءبولىمىنىڭ ماماندارى ەلوردا بازارلارىنداعى ازىق-تۇلىكتىڭ ساپاسىن تەكسەردى.
«ءار ۇيگە – قاۋىپسىز ازىق-تۇلىك» اكتسياسى اياسىندا كوكونىستەر مەن جەمىس-جيدەكتەردىڭ قۇرامىنداعى نيتراتتار, ازىق-تۇلىك ونىمدەرىنىڭ ميكروبيولوگيالىق تۇزبەسى تەكسەرىلىپ, بالدىڭ تابيعيلىعى, قىمىزدىڭ قىشقىلدىق ءدامى ساراپتامادان وتكىزىلدى. تەسكەرىس قورىتىندىسىندا بارلىق تاعامداردىڭ تالاپقا سايكەستىگى, تۇتىنۋعا قاۋىپسىز ەكەندىگى انىقتالعان.
مەملەكەت باسشىسى نۇرسۇلتان نازارباەۆتىڭ اتىنا 106-شى قازاق ۇلتتىق كاۆالەريا ديۆيزياسى سولداتتارىنىڭ تۋعان-تۋىستارى مەن ۇرپاقتارىنان حات كەلدى دەپ حابارلادى قر پرەزيدەنتىنىڭ ءباسپاسوز قىزمەتى.
حاتتا اۆتورلار 106-شى قازاق كاۆالەريا ديۆيزياسىنىڭ ەرلىگى تۋرالى كورسەتەتىن قازاقستان رەسپۋبليكاسى پرەزيدەنتىنىڭ تەلەراديوكەشەنى «و چەم مولچال تەرنوۆنيك…» اتتى دەرەكتى فيلم تۇسىرگەنى ءۇشىن زور العىس ءبىلدىرگەن.
«ۇزاق جىلدار بويى 106-شى قازاق كاۆالەريا ديۆيزياسىنىڭ تاعدىرى تۋرالى ەشقانداي اقپارات بولمادى. پرەزيدەنت تەلەراديوكەشەنىنىڭ 1942 جىلى حاركوۆ تۇبىندەگى كۇشى باسىم جاۋمەن ۇرىستا قازا تاپقان قازاق ديۆيزياسى جىگىتتەرىنىڭ قايعىلى تاعدىرى تۋرالى فيلم تۇسىرگەنى ءمانى زور وقيعا بولدى. بۇل ءبىزدىڭ اكەلەرىمىز بەن اتالارىمىزدىڭ ناعىز باتىر بولعاندىعىن تاعى دا داۋسىز دالەلدەيدى», – دەلىنگەن حاتتا. سونداي-اق, دەرەكتى ءفيلمنىڭ تاريحي ماڭىزدىلىعى اتاي كەلە, ەلىمىزدىڭ جاڭا بيىك جەتىستىكتەرگە جەتە بەرسىن دەگەن يگى تىلەكتەرىن بىلدىرىلگەن.
قر ۇلتتىق عارىش اگەنتتىگىنىڭ توراعاسى تالعات مۇساباەۆ استانادا سالىنىپ جاتقان «ۇلتتىق عارىش ورتالىعى» مەكەمەسىنىڭ قۇرىلىسى بارىسىمەن تانىستى.
نىسانداردىڭ سالىنۋ بارىسىمەن تانىسقان اگەنتتىك توراعاسى ت.مۇساباەۆ: «ۇلتتىق عارىش ورتالىعىندا بىرنەشە وندىرىستىك نىساندار سالىنۋدا. ولاردىڭ قاتارىندا عارىش تەحنيكاسىنىڭ ارنايى كونسترۋكتورلىق-تەحنولوگيالىق بيۋروسىنىڭ عارىش جۇيەلەرى مەن كەشەندەرىن جوبالاۋ مەكەمەسى, جەردى قاشىقتىقتان زوندتاۋ عارىشتىق جۇيەسىنىڭ جەرۇستى كەشەنى, جوعارى سپۋتنيكتىك ناۆيگاتسيا جۇيەسىنىڭ جەرۇستى ينفراقۇرىلىمى ورتالىعى ءتارىزدى قازاقستاننىڭ عارىش سالاسىنىڭ دامۋىنا زور ۇلەسىن قوساتىن مەكەمەلەر بار. اتالعان مەكەمەلەر 2015 جىلى تولىق ىسكە قوسىلاتىن بولادى» دەپ مالىمدەدى.
ينتەرنەت ۇمىتشاقتىققا ۇرىندىرادى.
سوڭعى كەزدەرى ۇمىتشاقتىق اۋرۋىنا شالدىققاندار جەتىپ ارتىلادى. كاليفورنيا ۋنيۆەرسيتەتىنىڭ عالىمدارى كەزەكتى زەرتتەۋىن وسى پروبلەمانىڭ ءمان-جايىن انىقتاۋعا ارناعان. زەرتتەۋگە ۇمىتشاقتىق دەرتىنە شالدىققان 18 بەن 99 جاس ارالىعىنداعى 18 مىڭ ادام قاتىسقان. عالىمدار انىقتاعانداي, جاستاردىڭ ەستە ساقتاۋ قابىلەتىنەن ايرىلۋى كۇيزەلىس پەن ينتەرنەت ارقىلى العان اقپاراتتىڭ تىم كوپتىگىنەن ەكەن. ال, قارتتاردىڭ ۇمىتشاقتىعى ميداعى قان اينالىمىنىڭ تومەندەۋىنەن – دەيدى زەرتتەۋشىلەر.
بيىل قر پرەزيدەنتىنىڭ باق سالاسىنداعى اقشالاي سىيلىعىنىڭ مولشەرى 2 ملن تەڭگە.
اقوردانىڭ رەسمي Twitter اككاۋنتى حابارلاعانداي, پرەزيدەنت سىيلىعى مەن گرانتىنا ءۇمىتكەرلەردەن قۇجات قابىلداۋ 18-ءشى ماۋسىمدا اياقتالادى. اقشالاي سىيلىق مولشەرى – 2 ملن, گرانت – 1 ملن 462 مىڭ تەڭگە. سىيلىقتار مەن گرانتتارعا ءۇمىتكەرلەردى باق وكىلدەرى, كاسىبي وداقتار, قوعامدىق ءبىرلەستىكتەر, مەملەكەتتىك ورگاندار ۇسىنا الادى.
گۇلميرا ايماعانبەت
