وسى اپتادا وزبەكستان پرەزيدەنتى يسلام كاريموۆ مەملەكەت باسشىسى نۇرسۇلتان نازارباەۆتىڭ ارنايى شاقىرتۋىمەن قازاقستانعا كەلدى.
مەملەكەت باسشىلارى كەزدەسۋ بارىسىندا ەكىجاقتى ىنتىماقتاستىقتىڭ وزەكتى ماسەلەلەرىن تالقىلاپ, حالىقارالىق ۇيىمدار اۋقىمىندا ءوزارا ءىس-قيمىلدار جوسپارلادى.
ساپار قورىتىندىسىندا ەكى ەلدىڭ مەملەكەت باسشىلارى بىرلەسكەن مالىمدەمەگە قول قويدى. بۇدان بولەك قازاقستان مەن وزبەكستان اراسىندا رەادميسسيا تۋرالى ۇكىمەتارالىق كەلىسىمگە جانە ونى ىسكە اسىرۋ ءتارتىبى تۋرالى ورىنداۋ حاتتاماسىنا قول قويىلىپ, 2000 جىلى 7 شىلدەدەگى ەكى ەل ۇكىمەتتەرى اراسىنداعى ازاماتتاردىڭ ءوزارا ساپارلارىنىڭ شارتتارى تۋرالى كەلىسىمگە وزگەرىستەر مەن تولىقتىرۋلار ەنگىزۋ تۋرالى حاتتاما بەكىتىلدى.
ايتا كەتەرلىگى, 2011 جىلدىڭ قورىتىندىسى بويىنشا قازاقستان مەن وزبەكستاننىڭ ءوزارا ساۋدا كولەمى 1,95 ملرد اقش دوللارىن قۇراعان. ەكى ەل باسشىلارى بۇل كورسەتكىشتىڭ 2010 جىلمەن سالىستىرعاندا 24 پايىزعا كوپ ەكەنىن اتاپ ءوتتى.
ال, 2012 جىلدىڭ ءبىرىنشى جارتىجىلدىعىندا سىرتقى تاۋار اينالىمى 925 ملن اقش دوللارىنا جەتىپتى.
يسلام كاريموۆ مەملەكەتتەر اراسىندا تۋىندايتىن ماسەلەلەردى دەر ۋاقىتىندا شەشۋ ءۇشىن ءجيى كەزدەسىپ تۇرۋدى ۇسىندى.
