ارحيۆ ماسەلەلەرى تالقىلاندى
استانا قالاسىنىڭ مەملەكەتتىك ءارحيۆى جانىنداعى عىلىمي-ادىستەمەلىك كەڭەس توراعاسى, پەداگوگيكا عىلىمدارىنىڭ دوكتورى, پروفەسسور تىلەۋعالي قىشقاشبايدىڭ توراعالىعىمەن اتالمىش كەڭەستىڭ وتىرىسى ءوتتى.
عىلىمي-ادىستەمەلىك كەڭەستىڭ ماقساتى – ارحيۆتە ارحيۆتانۋ, ارحەوگرافيا, قۇجاتتانۋ جانە قازاقستاننىڭ جاڭا تاريحى بويىنشا جۇرگىزىلەتىن عىلىمي جۇمىستاردىڭ تاقىرىپتارىن قاراستىرۋ, ءارحيۆتى عىلىمي-زەرتتەۋ جۇمىستارى بويىنشا ۇسىنىستار ازىرلەۋ جانە قابىلداۋ. جيىندا ماڭىزدى ءتورت ماسەلە قارالدى. اتاپ ايتقاندا, عىلىمي-ءادىستەمەلىك كەڭەستىڭ قۇرامىنا وزگەرىستەر ەنگىزىلدى. ءارحيۆتىڭ وسى جىلعا ارنالعان جۇمىس جوسپارى تۋرالى عىلىمي-زەرتتەۋ جانە اقپاراتتىق-ءتۇسىندىرۋ جۇمىسى قىزمەتىنىڭ باسشىسى عازيزا يساحان
بايانداما جاسادى. بۇل ماسەلەلەر بويىنشا ۇلتتىق مۋزەي ديرەكتورىنىڭ عىلىمي جۇمىس جونىندەگى ورىنباسارى اقمارال يبراەۆا مەن ل.گۋميلەۆ اتىنداعى ەۋرازيا ۇلتتىق ۋنيۆەرسيتەتى شىعىستانۋ كافەدراسىنىڭ قاۋىمداستىرىلعان پروفەسسورى گۇلميرا تولەۋعازىقىزى ءوز ويىن ورتاعا سالدى. «Arhiv habarşysy» جۋرنالىنا جاريالاناتىن عىلىمي ماقالالارعا قويىلاتىن تالاپتاردى انىقتاۋ بويىنشا عىلىمي-ادىستەمەلىك كەڭەستىڭ حاتشىسى سەرىك باياحمەتوۆ باياندادى. ۇلتتىق قورعانىس ۋنيۆەرسيتەتىنىڭ اعا وقىتۋشىسى اسقار ماكيپوۆ, استانا قالاسى تىلدەردى دامىتۋ جانە ارحيۆ ءىسى باسقارماسى ارحيۆ ءىسىن ۇيىمداستىرۋ ءبولىمىنىڭ باسشىسى جانگۇل تاجينا ءتۇرلى كەڭەس بەرىپ, وي-پىكىرىمەن ءبولىستى. كەڭەس مۇشەلەرى سۇراقتار قويىپ, ۇسىنىستارىن جەتكىزدى. سونىڭ ءبىرى – ل.گۋميلەۆ اتىنداعى ەۋرازيا ۇلتتىق ۋنيۆەرسيتەتىنىڭ پروفەسسورى گۇلنار مۇسابالينا.
استانا قالاسى مەملەكەتتىك ءارحيۆىنىڭ ديرەكتورى جانگەلدى بيمولدين ايتىلعان ۇسىنىستار ەسكەرىلىپ, بەكىتىلەتىنىن ايتتى