ءوزىم 19 ەكسپەديتسيا ۇيىمداستىردىم. سوڭعى جىلداردىڭ وزىندە ايتارلىقتاي اۋقىمدى, ۇلكەن ءۇش ەكسپەديتسيا جاسالىپتى.
ءبىرىنشىسى – 2011 جىلعى وڭتۇستىك پوليۋسكە باعىتتالعان ساياحات, ياعني, انتاركتيدا ەكسپەديتسياسى. ول قازاقستاننىڭ 20 جىلدىعىنا ارنالعان ءىس-شارا بولاتىن. بىراق سول جىلى, ياعني, 2011 جىلدىڭ 14 جەلتوقسانىندا انتاركتيدانى رۋال امۋندسەن اشقانىنا 100 جىل بولدى. ءبىز, ياعني, قازاقستاندىق اۆتوكولىك ەكسپەديتسياسى سول تويعا تۇسپا-تۇس جەتىپ, ەكى قۋانىشتى باستان وتكەرىپ كەلدى. ول ساپار ناتيجەسى بويىنشا «108 ساعات» اتتى دەرەكتى فيلم شىقتى.
ەڭ ءبىرىنشى, بۇل ساپار قازاقستاننىڭ ءيميدجىن كوتەرۋ ماقساتىن كوزدەگەن. ەكىنشىدەن, قازاقستان انتاركتيدا كەلىسىمشارتىنا كىرگەن جوق. وعان كىرگەندەردىڭ مۇددەسى زور. 2041 جىلدان كەيىن ول كەلىسىمشارت كۇشىن جويادى. ودان كەيىن وسى ماتەريكتى يگەرۋ باستالسا, وندا قازاقستاننىڭ ۇلەسى بولماي قالادى.
انتاركتيداعا بارىپ كەلگەننەن كەيىن نۇر-سۇلتان قالاسىنا ات باسىن بۇردىم. سوندا بايقاعانىم, باس قالا انتاركتيدادان كەم تۇسپەيدى. اق تۇتەك بورانى مەن ۇسكىرىك ايازى سول ءبىر ساپارىمدى ەسكە ءتۇسىردى. بۇل شاھار – بارشا قازاق جۇرتىنىڭ ماقتانىشى. تۇڭعىش پرەزيدەنت ن.نازارباەۆتىڭ ەڭبەگى استانامىزبەن ماقتانامىز.
وردەنبەك مازباەۆ,
گەوگرافيا عىلىمىنىڭ دوكتورى,
ل.گۋميلەۆ اتىنداعى ەۋرازيا ۇلتتىق
ۋنيۆەرسيتەتىنىڭ پروفەسسورى
