ءداستۇرلى «قازاقستان بارىسى» ءتۋرنيرىنىڭ كەزەكتى ماۋسىمى دا كەلىپ جەتتى. ەلىمىزدىڭ تۇكپىر-تۇكپىرىنەن جينالعان كىل مىقتىلار 29-ماۋسىم كۇنى استاناداعى «سارىارقا» ۆەلوترەگىندە بوز كىلەمگە شىعادى. ءار وڭىردەن قوس-قوسىمەن جەتكەن قازاق كۇرەسىمەن اينالىسۋشى پالۋاندار بيىلعى باس جۇلدەنى ءوزارا ساراپقا سالاتىن بولادى.
ۇلت كوشباسشىسى, قر پرەزيدەنتى ن.ءا.نازارباەۆتىڭ جۇلدەسى ءۇشىن قازاق كۇرەسىنەن رەسپۋبليكالىق «قازاقستان بارىسى» ءتۋرنيرىنىڭ ۇيىمداستىرۋشىلارى بيىلعى فينالدىق سىننان بەس بالۋاننىڭ شەتتەتىلگەنىن رەسمي تۇردە مالىمدەدى.
جارىسقا قاتىسۋ ەرەجەسىن بۇزعانى ءۇشىن قوستاناي وبلىسىندا وتكەن ءىىى ىرىكتەۋ كەزەڭىنىڭ جەڭىمپازى عابيت بالعىنباەۆ فينالعا قاتىسۋ قۇقىعىنان ايىرىلدى. رەگلامەنتتەگى ەرەجەگە سايكەس, تۋرنيردەگى ءاربىر بالۋان مىندەتتى تۇردە ىرىكتەۋ جارىسىنداعى بارلىق كەزەڭگە قاتىسۋى ءتيىس. ال اتالعان پالۋان جارىسقا جارتى جولدان قوسىلعان ەكەن. سونىمەن قاتار, بالعىنباەۆتىڭ باس قالامىزدا تىركەۋدە تۇرماسا دا, استانا قالاسىنداعى ىرىكتەۋ كەزەڭدەرىنە قاتىسقانى انىقتالدى. بۇدان بولەك, وسىنداي سەبەپتەرگە بايلانىستى ميحايل تۆەردوحلەبوۆ (قوستاناي وبلىسى), نۇرعالي بايتاراقوۆ (استانا قالاسى), ماناس يمانقۇلوۆ (ماڭعىستاۋ وبلىسى) جانە دامير قالاقوۆ (باتىس قازاقستان وبلىسى) ەسىمدى پالۋاندار دا بيىلعى فينالدان سىرت قالادى. بيىلعى تۋرنيردە وسىلايشا 33 پالۋاننىڭ 28-ءى باق سىنايدى.
تۋرنيرگە استانا قالاسىنىڭ اتىنان 120 كەلىلىك ارمان ابەۋوۆ قاتىسادى. ونىڭ بويى – 190 سم. تۋرنير اياسىندا «مالايسارى» دەگەن بۇركەنشىك اتپەن ونەر كورسەتەتىن ارمان 30 ماۋسىم كۇنى 32 جاسقا تولادى.
قازاق كۇرەسىنىڭ بولاشاعىنا سەنەتىن اعايىن قاشاندا پالۋانداردى قولداپ-قولپاشتاپ وتىرعان. ءتىپتى باسقا سپورت تۇرلەرىنىڭ باسشىلارى دا ءوز قاتارلارىنان قازاقشا كۇرەستىڭ جىلىگىن شاعىپ, مايىن ىشكەن جىگىتتەردى كورگىسى كەلەتىنىن بايقاپ ءجۇرمىز. سولاردىڭ ءبىرى – دجيۋ-دجيتسۋ فەدەراتسياسى مەن قازاقستاننىڭ مما پرەزيدەنتi اناتولي كيم. ونىڭ ايتۋىنشا, مما سپورتىندا قازاقستان قۇراماسى اۋىر سالماقتاعى سپورتشىلاردان تاپشىلىق كورiپ وتىر.
«ولاردىڭ سانى سونشالىقتى كوپ ەمەس. «قازاقستان بارىسى» جوباسىنا قاتىسۋشى جiگiتتەر بىزگە قىزىعۋشىلىق تانىتسا, ەشقاشان قارسى بولمايمىن. مما بiزدiڭ پالۋاندارىمىزعا جول اشادى. مىقتى پالۋاندار قازاقستاندا جەتكiلiكتi, ادامي رەسۋرستار وتە جاقسى, سپورتتىق بازا بار. بiز وسىنداي چەمپيوندارىمىزدان قاراجاتىمىزدى ايامايمىز. بولاشاقتا فەدور ەمەليانەنكو سىندى الەمدiك دەڭگەيدەگi ۇلتتىق باتىرلار شىعادى دەپ ەسەپتەيمiز» دەدi اناتولي كيم.
