كەشە تاۋەلسىزدىك سارايىندا «مەرلەر كەلىسىمى – جەرگىلىكتى, ۇلتتىق جانە ايماقتىق دەڭگەيدە تۇراقتى ەنەرگەتيكانى دامىتۋعا قادام» اتتى ايماقتىق كونفەرەنتسيا ءوتتى. جيىن بارىسىندا ەلىمىزدىڭ باس قالاسى استانا – ەۋروپالىق وداقتىڭ «مەرلەر كەلىسىمى» باعدارلاماسىنا قوسىلدى.
ەۋروپانىڭ «جاسىل ەكونوميكانى» دامىتۋعا ارنالعان باستاماسىنا وسى ۋاقىتقا دەيىن الەمنىڭ 5 مىڭعا جۋىق قالاسى مەن 26 استاناسى قول قويعان. باعدارلاما شارتىنا سايكەس, اتالمىش ەلدەر 2020 جىلعا دەيىن قورشاعان ورتاعا كومىرقىشقىل گازىن شىعارۋدى 20 پايىزعا دەيىن ازايتۋ قاجەت.
– بۇگىندە جاسىل ەكونوميكانى جەتىلدىرۋ, قورشاعان ورتانى قورعاۋ ماسەلەسى – وزەكتى تاقىرىپ. ءبىز وسىنداي ۇلكەن مىندەتكە كىرىستىك. بولاشاقتا تۇتىنۋشىلاردىڭ ەنەرگيا پايدالانۋ مادەنيەتىن وزگەرتۋ جانە تەحنيكالىق جانە ۇيىمداستىرۋ ءىس-شارالارىنىڭ كەشەندى باعدارلاماسىن جاساۋ جوس-پاردا بار. كاسىپورىنداردىڭ مەملەكەتتىك ەنەرگەتيكالىق ءتىزىلىمىن قۇرىپ, كەلەسى جىلى بۇل كاسىپورىنداردا ەنەرگومەنەدجمەنت ەنگىزۋدى باستاۋىمىز كەرەك» دەدى استانا قالاسى اكىمىنىڭ ورىنباسارى ۆاسيلي كرىلوۆ.
ايتۋلى جيىنعا ەۋروپا وداعىنىڭ باستاماسىنا قول قويعان قالالاردىڭ مەرلەرى, الداعى ۋاقىتتا قوسىلۋعا نيەت بىلدىرگەن قالا باسشىلارى, قازاقستان مەن ورتالىق ازيا, حالىقارالىق ۇيىمدار مەن قارجى ينستيتۋتتارىنىڭ ەنەرگيا ۇنەمدەۋ سالاسىنداعى جەتەكشى ساراپشىلارى قاتىستى.
جەرگىلىكتى جانە ايماقتىق ەنەرگيا تيىمدىلىگىن ارتتىرۋدى كوزدەيتىن شارادا قر يندۋستريا جانە جاڭا تەحنولوگيا-لار ۆيتسە-ءمينيسترى البەرت راۋ, قازاقستانداعى ەۋروپا وداعى وكىلدىگىنىڭ باسشىسى اۋرەليا بۋشەز, قورشاعان ورتانى قورعاۋ ءمينيسترى نۇرلان قاپپاروۆ ءسوز سويلەپ, باستاما جونىندەگى ويلارىن ورتاعا سالدى.
گۇلميرا ايماعانبەت
